Sigga Rósa

Nýtt líf

2011-09-16T00:07:00.000Z

Ég ætlaði mér aldrei að láta þetta blogg deyja út. Ég hef afskaplega gaman af því að skrifa og mér var alltaf að detta eitthvað skemmtilegt í hug sem hefði verið gaman að blogga um. Vandamálið var bara að mér fannst ekkert af því passa beint á eftir minningunni um Kisa.

Ég fékk Kisa þegar ég var 14 ára og hann var fyrsti kisinn sem ég átti alein og sjálf. Ég man enn hvernig það atvikaðist að ég fékk hann. Ég hafði verið með ömmu Siggu í dýragarðinum í Slakka þar sem við hittum þessa líka yndislegu kettlinga. Alla leiðina heim æfði ég ræðuna sem ég ætlaði að lesa fyrir mömmu. Innihaldið var eitthvað á þá leið að þar sem við vorum bara tvær og hún oft í burtu á kvöldin og næturnar þyrfti ég nauðsynlega á félagskap að halda því það væri svo einmannalegt að vera ein heima. Ég skyldi svo sjá um allt sambandi umhirðu á kettinum, hreinsa sandinn, gefa honum að borða og allt það, ef hún gæti bara aðstoðað mig með fjárhagslegu hliðina þar sem ég, fátækur grunnskólanemi ætti í erfiðleikum með að fjármagna innkaup á kattamat og sand þar sem ég hefði bókstaflega engar tekjur. Eitthvað af þessu virðist hafa virkað því mamma samþykkti kettling til prufu eina helgi. :) Svo rann helginn upp og pabbi kom með 4 mánaða loðinn og ótrúlega krúttlegan kettling í pappakassa. Og það fyrsta sem sá stutti gerði þegar hann kom á framtíðarheimilið sitt var að finna besta staðinn í sófanum og sofna. Þar með bræddi hann mömmu endanlega og hann fékk að vera áfram. Hann fékk það virðulega nafn Þengill Hnoðri SigguRósuson en var aldrei kallaður annað en Kisi. Hann bjó svo hjá mér allt til æviloka. En núna eru liðinn meira en 2 ár frá því að hann dó og því finnst mér tímabært að endurvekja þetta blogg. En hvað passar á eftir dauðsfalli? Hvað annað en nýtt líf? :)

Ég var gjörsamlega niðurbrotinn þegar Kisi dó og ætlaði mér að taka góðan tíma í að syrgja. Raunin varð þó önnur. Ég vissi svo sem að Kisi myndi ekki lifa að eilífu og við mamma voru með plan í kisumálum þegar hann myndi falla frá. Því Kisi var mjög mikill einfari hvað aðra ketti varðaði. Ég reyndi einu sinni að taka að mér kettling en Kisa fannst það alveg afleitt og lagðist bókstaflega í þunglyndi. Eftir tvo mánuði varð ég svo að láta kettlinginn frá mér því ég gat ekki horft upp á Kisa greyið svona niðurbrotinn. Það tók hann langan tíma að jafna sig á þessari reynslu en á endanum steig hann upp úr dvalanum og varði gamli góði Kisi á ný. Eftir það reyndi ég ekki að taka að mér fleiri kisur. Í staðinn gerðum við plan. Okkur hafði alla tíð dreymt um að geta sýnt Kisa því hann var rosalega fallegur köttur en hann var svo hræddur í bíl og hjá dýralækninum að við ákváðum að leggja það ekki á hann. Í planinu fólst sem sagt að fá sér hreinræktaða kisu sem við myndum sýna og svo húskött til að halda þessum hreinræktaða í félagsskap. Við höfðum báðar verið fastagestir á kattasýningum Kynjakatta og þar féllum við fyrir Maine Coon kisum, ljónslegum og stórum. Ætlunin var því að fá sér þannig kisu.

Aðeins mánuði eftir að Kisi dó var ég orðin algjörlega viðþolslaus. Það vantaði eitthvað í líf mitt! Þarna komst ég að því að ég þrífst ekki kisulaus. Ég fór því að leita á netinu að kettlingi í heimilisleit. Ég fann fljótlega einn sem mér fannst alveg rosalega sætur og við mamma fórum að skoða. Og aðeins klukkutíma seinna vorum við komnar heim með rauðan og hvítan loðbolta sem fékk nafnið Askur. :) Hann var bara 8 vikna og var því afskaplega lítill en alveg ótrúlega kelinn! Og ég get alveg viðurkennt það að ég held að hann hafi bjargað geðheilsunni minni, því Kisi var fyrsta gæludýr mitt og þar með fyrsta gæludýrið sem ég missti og það var mér mjög erfitt, en allt varð miklu auðveldara eftir að Askur kom á heimilið. Hann var eins og smyrl á sárin.

Næst á dagskrá var svo að finna hreinræktaða kisu til að kaupa. Ég skellti mér því aftur á netið. Þar rakst ég á eitt það krúttlegasta í heimi, Ragdoll kettlinga! Núna voru góð ráð dýr! Ætlunin var bara að fá sér tvo ketti en ég gat ómögulega gert upp á milli Ragdoll eða Maine Coon! Eftir miklar umræður á heimilinu varð niðurstaðan sú að þrír kettir væru ekkert svo mikið meira en tveir og við lögðum inn pöntun fyrir tveimur kettlingum. :)

Í janúar stækkaði svo fjölskyldan okkar svo um munaði þegar Húmi og Draupnir bættust við með tveggja vikna millibili. Í fyrstu var ég ótrúlega taugaveikluð yfir því að leiða saman kettlinga og Ask sem var sko ekkert 8 vikna kríli lengur. Eftir nokkra daga af endalausum hlaupum um íbúðina til að passa krílin slakaði ég loks á og sá að þetta yrði í góðu lagi. Enda var Askur ótrúlega góður við þá, fannst þeir bara ótrúlega spennandi og vildi þefa mikið af þeim, oft við lítinn fögnuð litlu krílanna. Í dag er Askur ekki lengur stærstur en allir eru sem betur fer góðir vinir og kúra oft saman.

Í minningu Kisa

2009-08-11T23:20:00.004Z

Eftirmáli

Hér hvílir Þengill.

Hans er sárt saknað.

Af konunglegu norsku skógar

kattarkyni.

Saddur lífdaga.

Samið af Siggu Rósu "langömmu"

Árshátíð Gleðikórsins

2009-06-14T16:39:00.004Z

Í gær var ég á árshátíð Gleðikórsins sem var alveg ótrúlega skemmtilegt. Það var mjög gaman að hitta aftur gömlu kórfélagana mína. Það var borðað, drukkið, farið í leiki og að sjálfsögðu sungið. :) Það versta er að ég virðist missa allt sem heitir tóneyra og tónheyrn um leið og ég er komin í glas. Ég fattaði það iðulega ekki fyrr en lagið var búið að ég var að syngja kolvitlausa línu eða rödd. En ég söng enga að síður hástöfum og skemmti mér konunglega. :) Ég verð bara að vona að aðrir hafi verið komnir það vel í glas að þeir heyrðu það ekki. ;) En allavega, ég skemmti mér mjög vel og ég hlakka til að mæta á fleiri Gleðikórsviðburði í framtíðinni. Takk fyrir mig!

Ferðalag með foreldrum Lauru

2009-02-23T12:22:00.014Z

Þá er ég komin heim úr viku ferðalagi með Lauru og foreldrum hennar um mið-vestur Grikkland. Við fórum til Aþenu á föstudeginum og gistum á hóteli þar eina nótt. Daginn eftir fórum við svo (LOKSINS!!!) til Akropólis. :D Og það var frábært!
Ég og Akropólis! :D

Laura og útsýnið frá Akropólishæð yfir Aþenu. :)

Annað hof með styttur í stað súlna.

Við skemmtum okkur konunglega á þessum sögulegu slóðum eins og sjá má. :þ

Seinni partinn keyrðum við svo til Amfissa sem er akkúrat hinu meginn við flóann, á móti Xylokastro. :) Þar fengum við að gista hjá Lóu, íslenskri konu sem býr þar. Það var ótrúlega gaman að tala loksins íslensku aftur! :þ Á sunnudeginum fórum við svo til Delphi. Það er merkilegur staður. Þar eru eins konar hirslur eða hof þar sem allir geymdu fjársjóðina sína í stríði, eins konar banki eða fjárhirsla. :) Einhver staðar las ég líka að forngrikkir trúðu því að miðja jarðarinnar væri í Delphi. :þ

Ég og miðja jarðarinnar (held ég...) eða fjárhirsla Aþenu. :þ

Á mánudeginum héldum við svo norður.

Snjór!! :þ

Á leiðinni komum við svo við í Meteora. Ég elska þessa kletta! :D

Um kvöldið komum við svo til Igomenítsa, sem er á vesturströndinni. En til að komast þangað þurftum við að fara yfir fjallgarð sem var 1700 m hár. :þ Fuuuullt af snjó. Við gistum svo á hóteli í Igomenítsa og fórum til Corfu daginn eftir! :D

Corfu!

Við löbbuðum svo um Corfu allan daginn. :) Mjög gaman. Daginn eftir fórum við svo upp í fjöllin nálægt Albaníu. Foreldrar Lauru eru hrifnir af fjöllum. :þ

Það var búpeningur út um allt á götunum. Frekar fyndið. :þ

Við fórum mjög nálægt Albaníu, svo nálægt að við gátum séð fjöllin þar. :þ

Albanía! :þ

En já, þegar við vorum komin svona nálægt landamærunum mættum við hermanni með hríðskotabyssu... (Eða veiðimanni... ganga þeir um með hríðskotabyssur....?) Þá ákváðum við að snúa við. Seinustu nóttina gistum við svo í litlu fjallaþorpi sem við fundum á leiðinni. Þar enduðum við svo alveg óvart í einhvers konar hátið. :þ Ókeypis matur og frítt vín! Og klukkan var 11 að morgni til. :þ

Laura vel skreytt. :þ Það var lítil stelpa sem henti pappírskrauti yfir alla sem komu inn, eins og má sjá á gólfinu í bakgrunni. :þ

Við fórum í stuttan göngutúr og Laura fann sér tré til að klifra í. :þ

Og á til að vaða í! Og það var svoooo kalt! :þ Crazy Germans! :þ

Þessar trjágeitur fundum við líka á leiðinni... :D

Seinasta daginn keyrðum við svo yfir brúnna hjá Patra og heim til Xylokastro. Vel heppnuð ferð. :)

Olympia

2009-02-12T10:49:00.015Z

Um seinustu helgi fór ég til Olympia, þar sem fyrstu Ólympíuleikarnir voru haldnir ca. 700 og eitthvað fyrir Krist. :) Það var mjög áhugavert.
Ég og súlur. Alltaf nóg af súlum á Grikklandi. :þ

Krúttlegir ljónshausar. :)

Marleen í startholunum að taka á sprettinn...

... eftir þessari braut. :)

Hérna gengu svo Ólympíukapparnir inn, væntanlega við mikinn fögnuð áhorfenda. :þ Allir kviknaktir auðvitað. Ég skil ekki af hverju Grikkir kepptu alltaf naktir... Það getur ekki verið þæginlegt að hlaupa með tólið danglandi á milli lappanna... Kannski var það þess vegna sem engar konur voru leyfðar á svæðinu. Ef kona fór inn á svæðið var hún myrt, hvorki meira né minna.

Við fundum svona fótspor í steinunum út um allt þarna. Og við fundum enga skýringu á því af hverju þau voru þarna og hvernig þau voru gerð... Einhverjar tillögur...?

Ég og risavaxin súla. :þ Svona voru súlurnar í Zeus-hofinu. Þessi súla er ný því hofið sjálft hrundi í jarðskjálfa (kemur á óvart... ;-) í kringum árið 521. Það var ótrúlegt að horfa í kringum sig þarna því við sáum súlurnar í pörtun liggjandi allt í kring. Þetta hlýtur að hafa verið stórfenglegt hof.

Næst fórum við á safnið sem tilheyrir svæðinu.

Ca. 2000 ára gamlar hálsfestar sem myndu sóma sér vel í tískunni í dag. :)

Skjöldur og hjálmur! Þetta lítur út eins og bíómynda-props! :þ Geðveikt kúl. ;)

Ég og hauslaus Grikkverji. ;)

Ég og handalaus Grikkverjakona. :þ

Þetta er þakskreytingin sem var á Zeus-hofinu. Stórfenglegt.

Og svo heitt súkkulaði á eftir. :) Á morgun er ég svo að fara í viku ferðaleg um mið- og vestur Grikklandi með Lauru og foreldrum hennar. Þau ætla að leigja bíl og þau buðu mér með. :) Það verður örugglega fjör. :)

Nafplíon og Epiðarvos

2009-02-03T18:12:00.013Z

Jæja, þá fer að styttast í heimkomu. Ég lendi föstudaginn 6. mars kl. 23:59. :) Eftir ca. 4 vikur. Það verður fínt að komast heim. :) Þetta er búið að vera ævintýri en ég sakna allra heima.

Mid-term ráðstefnan mín var um þar seinustu helgi. Það var gaman að hitta alla aftur en það var líka erfitt að kveðja því sum kem ég ekki til með að sjá aftur. :/

Þessa helgi fór ég, Lena (frá Lúxemborg) og Ly (frá Eistlandi) í dagsferð til Epiðavros og Nafplíon. Epiðavros er hringleikahúsið þar sem maður getur staðið í miðjunni og þeir sem eru á efsta bekk geta heyrt í þér.

Þarna er ég í miðjunni að prófa. Og það virkaði! Þetta var alveg eins og tala í míkrafón! :)

Ég og Ly. Bara örlítill stærðarmunur... :þ

Nafplíon er mjög falleg ferðamannaborg. Við skoðuðum kastalann þar. Kastalinn er frekar hátt uppi og við vorum frekar knappar á tíma þannig að við ákváðum að taka leigubíl upp að kastalanum og labba svo niður. Og ég er ótrúlega fegin því niðurleiðin var nógu erfið. Ég vissi ekki það væri svona erfitt að labba niður stiga... :þ Tröppurnar voru 999. (Þær voru víst 1000 en einhver kóngur braut seinustu tröppuna þegar hann kom niður á hesti...)

Fallegt útsýni. :)

Lena

Við fundum þessi neðanjarðargöng inn í kastalanum.

Og Ly ákvað að fara niður! Ég varð myrkfælin bara á að horfa á hana fara niður. :þ Svo fór Lena og ég vildi ekki vera ein eftir uppi þannig að ég elti. Þegar niður var komið fundum við bara pínulitla dýflissu, sjálfsagt notuð í gamla daga til að geyma til að geyma óæskilegt fólk. :þ

En jæja, nóg í bili. :) Ég hlakka til að hitta ykkur öll aftur!

Takk takk takk takk takk!!! :D

2009-01-07T10:42:00.007Z

Gleðileg jól og farsælt komandi ár og takk æðislega fyrir mig! :D

Vinnan á hótelinu var ekki eins og ég hafði haldið. Þannig að í staðinn fyrir að gista þar yfir bæði jól og áramót eins og ég hélt þá var ég keyrð heim á hverju kvöldi. :) Þannig að ég fékk að eyða bæði aðfangadegi og gamlárskvöldi heima. Og það var alveg ljómandi. :) Á aðfangadag fengum við gefins mat, og þar á meðal fylltan kalkún. :)

Nammi namm!

Þar sem hótelið er, í Trikala, er allt á kafi í snjó þessa dagana. Og það hjálpar til við að koma manni í jólaskap. :)

Um áramótin fengum við líka gefins mat, í þetta skiptið gúllas og vasilopítur. Grikkir halda jólin ekkert sérstaklega hátíðleg en í staðinn halda þeir áramótin þeim mun hátíðlegri. Og á nýjársmorgun kemur Vasilis (nokkurs konar jólasveinn) með pakka handa krökkunum. Og klukkan 12 á gamlársdag borðar fjölskyldan vasilopítu, sem er kaka með mynt inn í. Og sá sem fær myntina á að verða sérstaklega heppinn næsta ár. Og ég fékk myntina í vasilopítunni okkar! :D En þar sem við vorum bara fjögur á gamlárskvöld og við vildum að einhver fyndi myntina þá skárum við þessa risa köku bara í fjóra parta. :þ

Allir að pósa með risasneiðarnar. :þ

En já, klukkan 12 að miðnætti á gamlárskvöld þá drifum við okkur öll upp á þak til að sjá flugeldana. Og þar stóðum við eins og aular og bærinn var algjörlega dauður. :þ Ekki sála á ferli og ekki einn einasti flugeldur. Við komust að því tveimur dögum seinna að vanalega eyða Grikkir áramótunum í faðmi fjölskyldunnar, svona eins og við eyðum jólunum. Þannig að eftir á að hyggja var ekkert skrítið að það skildi ekki vera sála á ferli. :þ En þetta var samt furðuleg upplifun. Standandi á þakinu á gamlárskvöld horfandi yfir bæinn og ekkert gerðist. ;)

Grikkland

2008-12-21T11:44:00.004Z

Það er allt of langt síðan ég bloggaði seinast. :þ Það hefur ýmislegt gerst síðan í ferðinni minni til Thessaloníkí. Fyrir það fyrsta þá fór Gaia heim til Ítalíu 30. nóvember. Og ég verð að segja að húsið er hálf tómlegt án hennar. Hún er ótrúlega sterkur karakter og hún setti svip sinn á húsið. En ég ætla mér að heimsækja hana einhvern tíma til Ítalíu, en það verður samt aldrei eins.

We miss you Gaia!

Í öðru lagi þá er ég komin með aukavinnu á hóteli í litlu fjallaþorpi í ca. 30 mín. fjarlægð. :) Fyrsta vinnuhelgin mín var um seinustu helgi. Ég var aðalega að þrífa herbergi og vaska upp. Ég er að vinna með einni grískri konu, einni búlgarskri og tveimur albanískum. :þ Fjölþjóðlegt vinnuumhverfi, sem væri allt í lagi ef einhver myndi tala ensku eða grísku! Búlgarska konan og önnur albaníska stelpan tala bara smá grísku en hin albaníska konan talar enga grísku!! Og enginn þeirra talar ensku. Þannig að samskiptin fara aðalega fram með handapati og sýnikennslu en það virkar. ;) Kaupið er frekar lélegt en það er víst eðlilegt hérna, 25 evrur á dag fyrir 8 - 9 tíma vinnu... :þ En í staðinn er ég með fría gistingu og frían mat. :) Á þessu hóteli eru aðalega grískir ferðamenn sem koma yfir jól og áramót því að á veturna er oft snjór í fjöllunum. Því miður er enginn snjór núna en það kemur kannski. :þ En já, þar sem það er eiginlega high-season hjá þeim yfir jól og áramót samþykkti ég að vinna frá 24 desember til 6 janúar, bæði yfir jól og áramót. Og ég verð að segja mér finnst það bara allt í lagi. :þ Ég er búin að vera með sama fólkinu nánast upp á hvern einasta dag í rúma 3 mánuði og það verður bara ágætt að fá smá frí, vera smá útaf fyrir mig. :þ Og þetta er svaka flott hótel með frábæru útsýni. :)

Í þriðja lagi upplifði ég stærsta þrumuveður sem ég hef á ævinni upplifað! (Hmmm... Þessi setning hljómar furðulega...) :þ Ég hef aldrei séð svona margar eldingar og svona mikla rigningu! Húsið skalf (í alvöru talað, rúmið mitt hristist og gluggarnar skulfu...) í verstu þrumunum. Og eldingarnar komu svo ört! Stundum 3 í einu og svo liðu kannski 5 sek. og þá kom næsta og svo koll af kolli. Ein þruman var svo nálægt húsinu að það var eins og einhver hefði skotið af fallbyssu inni í herberginu mínu. :þ Frekar óhugnalegt en samt pínu gaman, svona eftir á. ;)

Og í fjórða lagi hefur Grikkland verið logandi í óeirðum upp á síðkastið. Hér í Xylokastro erum við nokkuð örugg en okkur er ráðlagt að fara alls ekki til Aþenu eða Patra og helst ekkert út fyrir bæinn. :þ En ég held samt að þetta sé að róast núna. Það fyndnasta er samt að stelpurnar eru mest svekktar yfir því að báðar H&M búðirnar í Aþenu voru brenndar þannig að það verður engin jólaútsala þar. xD

Og í fimmta lagi hef ég verið veik seinustu vikuna, með snert af lungnabólgu. :( Ekkert sérstaklega gaman en ég held samt að ég sé að koma til. :)

Ferðalag og halloween party!

2008-11-09T17:24:00.017Z

Ég er svo að segja nýkomin heim úr viku ferðalagi um Grikkland. :) Það var mjög gaman. Ég fór með Lauru (frá Þýskalandi). Okkur var boðið í sjálfboðaliðapartý til Volos, sem er á austurströnd mið-Grikklands. Við ætluðum að fara snemma á föstudagsmorgninum 31 október en svo fréttum við að planið væri að hafa Halloween partý um kvöldið í húsinu okkar þannig að við frestuðum ferðinni um einn dag. :þ Hérna eru nokkrar myndir frá partýinu.

Ég var norn. :)

Gaia var Amy Whinehouse.

Simon var kona. :þ

Elli var Helena frá Tróju.

Og Laura var bitch. :þ

Við þurftum svo að vakna kl. 04:00 til að ná lestinni til Aþenu þannig að það tók því ekki að fara að sofa og við fórum beint úr partýinu í lestina. :þ Og við vorum hálf skrautlegar verð ég að segja, þó að við höfðum þvegið af okkur málninguna. ;) En það var bara gaman. :þ

Ég frekar þreytt í lestinni á leið til Larissa. Fyrstu þrjá tímana þurftum við að sitja á gólfinu. Ekkert sérstaklega þæginlegt.

En þessum degi eyddum við eiginlega bara í lestum. Fyrst 2 tímar frá Xylokastro til Aþenu, svo 5 tímar frá Aþenu til Larissa og svo 1 tími frá Larissa til Volos. Þegar við komum til Volos byrjaði svo næsta partý. :þ Þannig að þegar ég fór að sofa aðfaranótt sunnudags var ég búin að vera vakandi frá því á föstudagsmorgun. :þ Ég held að ég hafi aldrei farið í svona mörg partý áður á bara 2 mánuðum. Það er nánast partý um hverja helgi í íbúðinni okkar. Og þar sem við erum svo mörg þurfum við ekki einu sinni að bjóða fólki til að halda partý, við getum bara búið til partý sjálf. :þ Mjög hentugt. Það er ótrúlega gaman að búa með svona mörgum. Alltaf nóg um að vera. :) En já, á sunnudaginn gerðum við ekki neitt þar sem við vorum uppteknar við að vera þunnar. :þ En á mánudeginum fórum við til Meteora, sem er á miðju mið-Grikklandi. Og það var algjörlega stórkostlegt! Myndirnar ná engan veginn tilfinningunni að vera þarna en ég set samt nokkrar inn. :þ

Megalo Meteora (stóra Meteora). Þetta er stærsta og elsta klaustrið þarna, frá ca. 1450, byggt á hæsta klettinum (næstum 500 metra hár!!).

Útsýnið frá Megalo Meteora yfir til næsta klausturs.

Þetta fundum við inn í klaustrinu.... Þarna enda sem sagt munkarnir... :þ

Útsýnið yfir Kalabaka, lítið þorp fyrir neðan Meteora.

Tilfinningin að vera þarna uppi var stórkostleg. Við vorum þarna mjög snemma um morguninn þannig að túristarnir voru ekki komnir ennþá. Og kyrrðin var algjörlega himnesk. :) Það var hægt að finna heilagleikan í þessu öllu saman. En svo tveimur tímum seinna komu rúturnar í tugatali með fuuuullt af ferðamönnum og það spillti kyrrðinni. En já, Meteora var algjörlega toppurinn á ferðinni. :) Frá Meteora fórum við svo til Thessaloníki, sem er næst stærsta borg Grikklands (á eftir Aþenu auðvitað :þ ). Það er gaman að hafa komið þangað en ég verð að viðurkenna að Thessaloníki er ekkert sérstaklega spes borg. :þ Ég held að ég fari ekki þangað aftur. Enda tekur það mig 9 tíma setu í lest að komast þangað frá Xylokastro... Frekar langt. Við gistum þrjár nætur hjá tveimur stelpum sem við hittum á ráðstefnunni í Aþenu.

Hvíti turninn, kennimerki Thessaloníki. Inn í turninum er safn og útsýnið frá toppnum er mjög fallegt.

Ég fann þetta á ískápnum í íbúðinni hjá stelpunum! :D Ég var ekkert smá hissa! Þessi segull var þarna þegar þær komu í íbúðina þannig að það hefur greinilega einhver frá Íslandi verið þarna. ;)
Aðfaranótt föstudags tókum við svo næturlestina heim til Xylokastro.

Íslenska kvöldið!

2008-10-21T10:56:00.010Z

Á sunnudaginn hélt ég íslenskt kvöld fyrir sambýlisfólkið mitt. :) Og það tókst bara ágætlega! :D Ég eldaði kjötsúpu með íslenskum súpujurtum og það tókst bara vel, sérstaklega ef það er haft í huga að ég var að elda kjötsúpu í fyrsta skipti... :þ Hún bragðast ekki alveg eins vel og hjá pabba eða mömmu en samt, það var íslenskt bragð af henni og það var nóg. :) Síðan bauð ég þeim að smakka harðfisk í eftirmat og þá varð uppi fótur og fit! xD En þau fengust samt öll til að smakka og þá fannst þeim hann ekkert svo voðalega slæmur. ;) En svona til að bæta fyrir harðfiskinn bauð ég líka upp á síríus rjómasúkkulaði og það sló að sjálfsögðu í gegn. :) Síðan kenndi ég þeim „Sá ég spóa“ og við sungum það í keðjusöng. Í lokinn horfðum við svo á Mýrina. Og þegar þau sáu aðalpersónuna borða svið fannst þeim harðfiskurinn bara ágætur!! xD Hérna eru nokkrar myndir.
Ég að elda.

Súpan komin á borðið. :)

Gaia og Harriina. Þær klæddu sig upp í fánalitunum í tilefni dagsins. :)

Brugðið á leik með fánann. :) Laura og Harrina.

Laura að smakka harðfisk. :þ

Og svona skreytti ég stofnuna, með póstkortum frá Íslandi. :)

Sem sagt, vel heppnað og skemmtilegt kvöld. :) Bestu kveðjur frá Grikklandi!!

Aþena

2008-10-21T09:59:00.017Z

Jæja, ég er sem sagt komin heim frá Aþenu. Ég get ekki sagt að ég hafi séð mikið af borginni því ég var nánast á hótelinu allan tímann því við byrjuðum kl. 9:30 og unnum langt fram á kvöld. Það var doldið strembið en samt ótrúlega gaman. Hérna koma nokkrar myndir.

Þessa byggingu fundum við þegar við vorum að leita að McDonalds. :þ Ég hef ekki hugmynd um hvað þetta er en byggingin er flott enga síður.

Þessa gaura fundum við líka í þegar við vorum á leið á McDonalds. Þeir standa þarna í einn klukkutíma í senn og svo eru vaktaskipti. Og í hvert skipti er alveg svaka athöfn, lítur næstum út eins og dans. :þ

Þetta var á klósettinu okkar á hótelberberginu...

Þetta var útsýnið af þaki hótelsins.

Akrapólis að nóttu til. :)

Á föstudeginum fórum við svo á aðal safnið í Aþenu. Það er stórt og hefði þurft allavega heilan dag til að skoða en við fengum bara 3 klukkutíma þannig að aumingja leiðsögumaðurinn þurfti nánast að hlaupa með okkur í gegnum safnið. :þ Hérna koma nokkrar myndir frá safninu

Þetta eru „bara“ 9000 ára gamlir hlutir!!
Líkgríma úr gulli Fleigrúnir - Fyrsta ritmálið!!

Tvær bronsstyttur. Hvernig er hægt að búa til svona nákvæmar styttur?? Þú getur séð æðarnar og rifbeinin á hestinum!

Eins þessi stytta. Það er eins og hann sé lifandi!

Aþena!

2008-10-04T14:30:00.001Z

Ég er á leið til Aþenu á mánudaginn ásamt öllum öðrum sjálfboðaliðum á Grikklandi sem eru nýkomnir eins og ég. :D Við verðum 60 manns saman á ráðstefnu í heila viku. Við gistum á fjögurra stjörnu hóteli (ókeypis), fáum frían mat í öll mál (hlaðborð!) og fáum fylgdarmann um Aþenu að skoða bæði Akrapólis og söfn! Ég er farin að hlakka geðveikt til. :) Þetta verður örugglega svaka fjör. Ég set örugglega inn fullt af myndum þegar ég kem aftur. :D Aþena hér kem ég!

Fleiri myndir

2008-09-28T15:15:00.006Z

Ég ákvað að setja inn svolítið fleiri myndir. :)

Þetta er rétturinn sem ég bjó til í fyrsta eldamennskutímanum. Hann heitir Dakos og er frá Krít. Það er afskaplega einfallt að búa hann til og hann er ótrúlega bragðgóður. :) Það eina sem þú þarft er (mjööög) hart brauð, rifnir tómatar, rifinn fetaostur, olía og oregano, í þessari röð og þú ert kominn með Dakos. :)

Þetta er í vinnunni minni. Þessi tvo er systkini, Ðímetra (8 ára) og Alexandros (7 ára). Og þau tóku sig til og bjuggu til íslenska fánann og gríska fánann og gáfu mér þá! :D Og þau föndruðu þetta heima hjá sér og komu svo með þetta í miðstöðina daginn eftir. :) Ótrúlega sætt af þeim.

Þetta eru Ellí (frá Austurríki) og Harriina (frá Finnlandi). Mér finnst þessi mynd bara svo flott þannig að ég bara varð að hafa hana með líka. ;)

Okkur leiddist í gær og ákvaðum því að búa okkur til andlitsmaska úr jógúrti og hunangi. :þ

Og þetta er Agnes (frá Austurríki). Þessi sem er að setja maskann á hana er Theothora (frá Þýskalandi en mamma hennar er grísk þannig að hún er sú eina í íbúðinni sem talar almennilega grísku) :þ

Patra

2008-09-28T14:20:00.018Z

Um seinustu helgi fórum við til Patra sem er ca. 200 km til vesturs. Við tókum lest þangað þannig að það tók okkur ekki nema tæpa tvo tíma að komast þangað. Patra er þriðja stærsta borg Grikklands (stærsta borgin á Peloponnese skaganum). En þrátt fyrir það fannst mér hún virka frekar lítil. En við fundum samt nokkra áhugaverða staði til að skoða.

Fyrst fundum við lítið leikhús í gamaldags grískum stíl (þó að það sé upphaflega byggt af rómverjum). Það var flott en hljómurinn var ekki eins og ég hafði búist við samt. Ég prófaði að standa í miðjunni og syngja eitt lag en Agnes og Simon (sem voru með mér) heyrðu voðalega lítið í mér. Ég hlakka til að sjá stóra gamla gríska leikhúsið þar sem hljómburðurinn á að vera algjörlega stórkostlegur. :)

Eitt var samt sérstaklega merkilegt við þetta leikhús var að það var ennþá í notkun! Það er ennþá verið að setja upp leikrit þarna. :) Mig langar einhvern tíma að fara á þannig leiksýningu. :þ

Næst fundum við virki í miðri borginni. Ekki eins flott og virkið sem ég skoðaði seinast upp á fjallinu en allt í lagi samt. :)

Útsýnið var líka flott þaðan.

Við fundum líka þessa styttu á litlu torgi þar sem við stoppuðum til að reyna að finna út hvar við værum. Og ein dúfan hafði fundið þennan líka fína svefnstað á hausnum á styttunni! xD

Næst fundum við stórkostlega kirkju!

Kirkjan var líka rosalega falleg að innan, allt í gulli og skreytingum. Og allir sem komu þarna inn kysstu allt! Allar myndirnar, styttur, allt saman. Ótrúlega furðulegt. Allt var útatað í kossaförum! :þ

Allt virkaði voðalega heilagt. Fyrir utan að það var allt fullt af dúfum þarna inni! Kannski dúfur séu heilagar hérna eins og kýr á Indlandi...

Næst borðuðum við á þessu kaffihúsi. (Já, vitinn er kaffihús!) Það á að vera fallegasta kaffihúsið í Patra. Kaffihúsið sjálft var í sjálfu sér ekkert spes en útsýnið var mjög flott yfir sjóinn.

2008-09-14T16:13:00.021Z

I gaer for eg til Corinthos sem er ca. 50 km fra Xylokastro. Thad var algjort aedi. :) Herna koma nokkrar myndir ur ferdinni:Thetta eru Laura (til vinstri), Agnes (i midjunni) og Doro (til haegri) a markadnum sem vid forum a fyrst. Thad er alltaf markadur einu sinni i viku thar sem grikkir koma saman og selja avexti og graenmeti, asamt fleira doti. Thad var mjog gaman.

Naest forum vid og skodudum rustir sem voru rett fyrir utan Corinthos. Thaer eru fra thvi um 900 - 700 fyrir Krist! Naestum 3000 ara gamlar!

Thetta er einhvers konar vatnsveita

Thetta er hof og sulurnar eru hoggnar ut ur einum steini! Hvernig var haegt ad bua til svona fyrir 3000 arum?? :p (Og eins og sja ma er eg enntha frekar hvit... En thad stendur til bota :-)

Thetta er sma yfirlitsmynd yfir svaedid.

Thetta er bud sem var partur af storu verslunar svaedi, einhvers konar molli. Ja, Grikkir hofdu moll fyrir 3000 arum!!

Thad voru alveg fullt af svona hauslausum styttum tharna. Mjog flottar en eg fekk aldrei botn i thad af hverju thaer voru allar hauslausar.

Tharna fundum vid einhvers konar nedanjardar system...

Fallegt hus sem vid fundum, med bogagluggum.

Onnur yfirlitsmynd af svaedinu og i bakgrunni er fjallid sem vid forum upp a naest! Thar er nefninlega einhvers konar kastali eda virki.

Tharna er eg (frekar threytt) med innganginn ad virkinu i bakgrunni.

Virkid og utsynismynd af Corinthos

Onnur utsynismynd

Tharna er toppurinn a fjallinu og virkinu. Eg komst ekki alveg thangad en naestu. :p Eg fer alla leid naest.

Ferdalagid

2008-09-11T16:33:00.003Z

Ferdalagid hingad var frekar strempid. Eg vaknadi kl. 04:00 um nottina og var logd af stad upp af flugvoll kl. 05:20 asamt mommu og Moeidi. Um kl. 08:00 var eg svo komin i loftid a leid til Amsterdam. I flugvelinni vard eg allt i einu skelfingu lostin yfir thvi ad vera ad flakka um svona marga flugvelli alein, en svo var thad bara ekkert mal. Thad var adeins floknara ad komast fra flugvellinum i Athenu til Xylokastro. Flugvollurinn var nanast tomur. Bara orfaar hraedur sem svafu her og thar um flugvollinn. En eg fann ad lokum midasolubasinn og keypti midann. Svo um kl. 04:00 um nottina var eg komin upp i straetoinn a leid nidur i bae. Su ferd atti ad taka 1,5 tima en tok ekki nema 40 min. Thannig ad eg endadi a ad bida i 1,5 tima fyrir utan rutustodina i midbae Athenu. Thad var ekkert serstaklega thaeginlegt. En um kl. 06:10 var eg logd af stad til Xylokastro og komin thangad um tveimur timum sidar. Eg for ur a rettum stad en thar var enginn. Eg beid sma stund og hringdi svo i tengilidinn minn herna og hun sagdi mer ad thad aetti ad koma madur ad saekja mig fljotlega. Thad stodst og hann keyrdi mig i ibudina. Ibudin sjalf er agaet en thad er svo margt sem er odruvisi en heima, allt eitthvad svo fataeklegt. :p Madur ma t.d. ekki setja klosettpappirinn i klosettid heldur i fotu vid hlidina a klosettinu... Og svo tharf alltaf ad losa fotuna og imyndid ykkur lyktina... En thad er samt allt af venjast. Svo ganga hundar og kettir bara lausir herna, og allir gefa theim ad borda svona af og til. Sum dyrin eru vel haldin en eg hef lika sed nokkra greinilega veika og illa haldna hunda og mer finnst thad sorglegt. :( En thad er svakalega gaman ad synda i sjonum og krakkarnir sem bua med mer eru skemmtilegir. :) Thad er samt frekar thongt um okkur thar sem vid erum 8 i fjorum herbergjum, og einn er strakur (og hann faer nattla ser herbergi!) thannig ad eg endadi i herbergi med tveimur odrum. En thad venst sjalfsagt lika. :p Fyrsti dagurinn minn i vinnunni minni var i dag, en hann var oskop fataeklegur. Eg maetti kl. 15:00 og var ad fondra med restinni af kennurunum i 1,5 tima og svo matti eg fara heim. Engin born. :p Thad er vist einhver vandamal med hverjir mega koma med bornin sin thangad og hverjir ekki. Bara 9 born voru "samthykkt" og thau maettu ekki. En thad stendur vist allt til bota og eftir svona manud aettum vid ad hafa svona 30 born. Eg sotti lika um ad ganga i korinn herna i dag. Eg er reyndar ekki viss hvernig kor thetta er og mig grunar ad thetta se eldri borgara kor. :p En thad verdur spennandi ad fa ad profa ad syngja grisk log, thvi thau syngja bara a grisku. :) En jaeja, nog i bili. Eg kem med fleiri myndir seinna.

Kvedja fra Grikklandi!

2008-09-10T16:29:00.010Z

Jaeja, eg er komin heil og holdnu til Grikklands. En thar sem thad er ekkert thradlaust net herna (enntha) tha verd eg ad nota griska tolvu a netkaffi med engum islenskum stofum. :p En herna koma nokkrar myndir.

Thetta er utsynid ur svefnherberginu minu

Thetta er gatan min, sed fra svolunum.

Og thetta er gatan sed i hina attina og Gaja fra Italiu sem byr med mer

Thetta er torgid og fullt af bornum ad leika ser

Thetta er strondin. Laura (til vinstri) byr med mer og Sabina (til haegri) er systir einnar stelpurinnar sem byr med mer. Hun er i heimsokn nuna i viku.

Og thetta er Simon a strondinni. Hann byr lika med mer.

En jaeja, eg laet thetta naegja i bili. Eg kem med fleiri myndir seinna. Bestu kvedjur fra Grikklandi!!

Grikkland!

2008-09-06T04:17:00.001Z

Here I come!!! :D

Örlar á kvíða

2008-08-26T16:01:00.006Z

Ég verð nú að viðurkenna það, að það er farið að örla á smá spennutengdum kvíða fyrir Grikklandsförinni. Ég kvíði samt ekki mest fyrir að koma mér inn í menninguna eða málið, eða að vera ein svona lengi í ókunnugu landi fjarri fjölskyldunni. Það er hluti ef kvíðanum, auðvitað, en það sem ég kvíði mest fyrir er að koma mér frá flugvellinum í Aþenu og til Xylokastro. Það hljómar asnalega en þannig er það nú samt. Ég lendi kl. 02:35 um nóttina í Aþenu og ætti að vera komin út um kl. 03:00. Þá tekur við bið í klukkutíma (um miðja nótt, alein og með ferðatöskur...) eftir almennings strætó (ekki svona flybus, heldur bara venjulegur strætó) sem ég á að taka. Sú strætóferð tekur ca. 1,5 klst og tekur mig niður í miðbæ Aþenu (8 milljón manna borg!) á aðalstrætóstöðina. Þar tek ég svo rútu kl. 05:40 til Xylokastro, og sú ferð tekur ca. 2 klst. En sem sagt, ég verð alein niður í miðbæ í ókunnugri 8 milljón manna borg á laugardagsnóttu, með ferðatöskur og fartölvu undir hendinni. Getur einhver láð mér að vera svolítið kvíðin?? Ég sem er hrædd við að vera ein með veskið mitt niður í miðbæ Reykjavíkur! Ekki það að ég lifði það svo sem af að labba alein heim í New York um miðja laugardagsnótt... Varla er Aþena hættulegri en New York?

Flug...

2008-08-25T10:51:00.004Z

Ok þetta er ekki alveg það sem ég þurfti á að halda þegar ég er að fara að fljúga til Grikklands... Tvö skæð flugslys með stuttu millibili. Ekki það að það eru miklu meiri líkur á því að lenda í bílslysi, en það sem er svo óhugnalegt við flugslys er að ef maður lendir í þannig eru svo ótrúlega litlar líkur á því að lifa af.

Tveir helaumir...

2008-08-21T16:35:00.003Z

Ég var í blóðprufu í morgun, bara svona til að tékka hvort ég sé ekki við hesta heilsu áður en ég fer út til Grikkklands. Ég settist (svona næstum) slök í stólinn og konan batt um handlegginn á mér og herti að.

BIÐ...

KONAN: "Hmmm..." Potar í handlegginn á mér.

BIÐ...

Heldur áfram að pota í mig.

Þegar hérna var komið var ég eiginlega farin að bíða eftir stungunni. Hvað tók eiginlega svona langan tíma?! Loksins lætur hún svo verða að því og stingur.

KONAN: "Hmm..." Juggar nálinni fram og til baka, til hliðanna og stingur dýpra og svo dýpra...

Hérna var ég örugglega orðin græn í framan.

KONAN: "Nei, ekkert."

Hvernig er hægt að stinga mig með nál og finna ekkert blóð???

Konan snýr sér svo að hinum handleggnum á mér. Og þar endurtekur hún rútínuna. Bindur um hann, herðir að, bíður..., potar, bíður..., potar meira, hmm-ar, og finnur svo (LOKSINS) nothæfa æð einhver staðar á hliðinni á handleggnum!

Og eftir sit ég með tvo helauma handleggi.

Flugið mitt

2008-08-15T10:19:00.005Z

Jahá. Flugið mitt til Grikklands er frekar spes.

6. september:
Kl. 7:55 - Flýg til Amsterdam með Icelandair
---> Lengd flugs: 3 klst.
---> Lendi kl. 12:55 á Schiphol að staðartíma

Bið: 3 klst. og 30 mín.

Kl. 16:25 - Flýg til London með British Airways
---> Lengd flugs: 1 klst. og 15 mín.
---> Lendi kl. 16:40 á Heathrow að staðartíma

Bið 4 klst. og 15 mín.

Kl. 20:55 - Flýg til Aþenu með British Airways
---> Lengd flugs: 3 klst. og 40 mín.
---> Lendi kl. 02:35 að staðartíma

Og svo er eftir að koma sér til Xylokastro sem er 100 km frá Aþenu.

Gott að eiga góða að

2008-08-13T13:40:00.004Z

Eins og kannski flestir hafa áttað sig er ég á leið til Grikklands í byrjun september. Og ég sá fram á að ég þyrfti að kaupa mér fartölvu fyrir ferðina þar sem það er eiginlega ómögulegt að vera fartölvulaus úti, og gamla fartölvan mín er orðin 8 ára gömul og virkar varla lengur... Og mér var nú svona varla farið að lítast á blikuna með að þurfa að kaupa mér tölvu þar sem þær eru nú ekki beint ódýrar og það hefur harnað í ári hjá mér í ár eins og flestum öðrum íslendingum. Og ég vildi helst geta haft smá varasjóð úti ef eitthvað skildi nú koma upp á. En ég sá fram á að þurfa að eyða seinustu krónunni minni í að kaupa skítsæmilega ódýra fartölvu sem ég gæti komist á netið á og sett myndir inn á en ekki mikið meira. En það endaði nú heldur betur ekki þannig. Við mamma fórum nefninlega upp í Hóla um helgina með Rósu frænku og eftir matinn, kemur Rósa þá ekki með stóran skærbleikan pakka handa mér. Ég vissi ekki hvað á mig stóð veðrið. Ennþá alveg furðulostin las ég á kortið og þá kom í ljós að pakkinn var frá stórfjölskyldunni minni. Þegar ég sá öll nöfnin þá fór mig nú að gruna að þetta gæti verið eitthvað stórt en var samt engu nær um hvað þetta var. Svo reif ég bleika pappírinn utan af. Þá kom í ljós pappakassi með hvítum strikamerkjum á. Og þá fór mig að gruna að þetta gæti verið fartölva en ég hugsaði með mér að það bara gæti ekki verið! En það reyndist nú samt sem áður vera fartölva! Glæsileg glansandi alvöru dell fartölva! Miiiiklu flottari tölva en allar tölvurnar sem ég var búin að skoða! Ég grét af gleði! Núna get ég tekið með mér (ótrúlega flotta) fartölvu út OG varasjóð ef eitthvað skildi koma upp á! :D Það er víst ekki hægt að segja annan en það að það er gott að eiga góða að. :)

Takk ÆÐISLEGA fyrir mig! :D

Nýr litur

2008-08-13T11:52:00.001Z

Ég ákvað að breyta um lit á blogginu í tilefni af því að ég er að fara til Grikklands. Er blátt ekki alveg upplagt? Eins og sjórinn sem ég kem til með að baða mig í daginn út og daginn inn. :D

>.<

2008-07-07T10:03:00.001Z

Voðalega getur verið sárt að brenna sig. Mér tókst í að leggja handlegginn ofan á sjóðheita ljósaperu og fékk brunasár. Ekkert alvarlegt samt en nógu vont samt. Hvað er líka málið með að hafa ljósaperur þar sem hægt er að koma við þær?! Ég held ég færi lampann minn...

Okur!

2008-06-30T10:29:00.002Z

Úúúú! Tékkið á okur síðunni og sjáið hver er þar efst á blaði. :D (Færsla #902)

http://this.is/drgunni/okur

Xylokastro

2008-06-26T15:51:00.005Z

Jams og já. Ég er sem sagt komin heim frá stórborginni New York. Þetta var eiginlega hálfgert ævintýri. Allt var risa stór, alveg sama hvað það var, bæði byggingarnar og maturinn. Og eiginlega bara frekar yfirþyrmandi. Þetta er ekki borg sem ég gæti hugsað mér að búa í. Of stór fyrir mig. ;) En það er samt mjög gaman að hafa komið þangað og séð allt þetta sem maður sér alltaf í bíómyndum.

En út í allt annað og mikið meira spennandi! Ég er búin að fá jákvætt svar frá Grikklandi! :D Sem þýðir það að ég er að fara til Grikklands í 6 - 12 mánuði og fer þann 3. september nk. Ég er farin að hlakka geðveikt til en ég kvíði líka svolítið fyrir. Enda varla annað eðlilegt. Grísk menning er talsvert frábrugin Íslenskri þannig að þetta verður lífsreynsla. :) En ég held að það sé öllum hollt að kynnast nýrri menningu einhvern tíma á lífsleiðinni.

Á þessari síðu getið þið séð nokkrar myndir frá þorpinu sem ég verð í, og nágrenni þess. (Ég held að þetta flokkist undir lítið sjávarþorp á Grikklandi en "þorpið" er samt á stærð við Akureyri!)

http://www.xylokastro.gr/

Þorpið heitir sem sagt Xylokastro. (Borið fram eins og Hgjílogasdro...)

New York!

2008-06-10T11:33:00.001Z

Jæja, þá er komið að því! :D Ég flýg til New York í dag! Jibbí!! Get ekki beðið!

Carmina Burana!

2008-05-29T11:04:00.004Z

Þá er komið af því. Loksins fékk mín að taka þátt í Carmina Burana. :) Og það í ekkert litlum hóp! Seinustu fréttir herma að við verðum í kringum 150 að syngja. Enda er krafturinn svo mikill að á seinustu kóræfingu fékk ég hellu fyrir eyrun í kröftugustu köflunum! Ég veit ekki til þess að þetta hafi verið sett upp á Íslandi með svona mörgum áður. Þannig að þetta er algjörlega einstakur viðburður og ég hvet alla sem hafa einhvern áhuga á tónlist að láta þetta ekki framhjá sér fara. ;) Það er uppselt á tónleikana kl. 20 en það eru enn til einhverjir miðar kl 22. (Og svo verða kannski aukatónleikar kl. 24). Hægt er að kaupa miða hjá mér í síma 6615838.

Hælspori?!

2008-05-21T11:33:00.002Z

Hælspori. Veit einhver hvað það er? Það er víst lítið beinhorn undir hælnum sem veldur því að maður finnur til í hverju einasta skrefi, og myndast helst hjá miðaldra fólki sem stundar miklar æfingar. Hvernig í ósköpunum tókst mér að næla mér í þannig?!

Tónleikar!

2008-04-14T16:42:00.004Z

Jæja, þá er komið að því. Ég, ásamt Maríu sópran og Haraldi baritón, erum að fara að halda framhaldsprófstónleika næsta sunnudag, 20. apríl, kl. 16, út í Söngskóla. Þetta verður skemmtileg og létt dagskrá og smá veitingar í boði á eftir. Allir velkomnir. :)

Stelpa/kona

2008-04-01T16:26:00.004Z

Ég er alltaf að senda póstkort út um allan heim þessa dagana í gegnum svona póstkortaskiptisíðu. Mjög gaman. Og ég hef alltaf skrifað sem kynningu á sjálfri mér: "My name is Sigga Rósa and I am a 23 years old girl from Iceland." En svo varð ég 24 ára núna á laugardag. Og þá finnst mér allt í einu asnalegt að skrifa 24 ára gömul stelpa... Furðulegt. Eins og ég sé eitthvað breytt á fáeinum dögum. En "24 years old women" hljómar álíka asnalega. Sérstaklega þar sem mér finnst ég engan veginn vera kona... Gæti "24 years old young women" gengið...? Nei held ekki... "24 years old female"?? Eða er það kannski bara komið á það stig að ég sleppi því að segja hvað ég er gömul....? Þá er maður formlega orðinn gamall. :þ

Hvar er vendipunkturinn eiginlega á milli stelpu og konu? 24 ára...?

1. apríl

2008-04-01T09:38:00.002Z

Gleðilegan fyrsta apríl! :D Eða... já. Eitthvað þannig...

Einhver búinn að finna aprílgabb? Eða er einhver kannski búin að hlaupa? ;)

Gunnar fermingardrengur

2008-03-20T22:51:00.002Z

Jæja, þá er litli bróðir loksins orðinn stór. Hann var að fermast í dag. Fínasta veisla bara. :) Og eins og sjá má þá er hann ekkert sérstaklega lítill lengur. :þ

Í minningu Birtu

2008-03-14T12:33:00.001Z

Einstök kisa

Bleikt

2008-02-28T11:20:00.003Z

Hefur eitthvað farið framhjá mér? Er óviðeigandi fyrir stelpur á mínum aldri að gangi í bleikum fötum? Eða ganga konur kannski í bleikum fötum til að vera unglegri? Eina ástæðan fyrir því að ég geng í bleiku er að mér finnst bleikur litur fallegur, og ég held bara að hann fari mér ágætlega. En það er alveg ótrúlegt að ef ég er í bleikum fötum þá er ég undantekningalaust spurð um skilríki alls staðar. En ef ég er ekki í bleikum fötum þá er ég aldrei spurð um skilríki... Annað hvort gerir bleikur litur mig svona svakalega unglega eða þá að fólk á erfitt með að trúa því að næstum 24 gömul kona gangi í bleiku...

Póstkortaskipti

2008-02-22T10:56:00.002Z

Ég fann snilldar síðu um daginn:

http://www.postcrossing.com/

Þetta er sem sagt eins og nafnið gefur til kynna, póstkorta-skipti-síða. Ég er t.d. búin að fá póstkort frá Finnlandi, USA, Þýskalandi, Sviss og Slóveníu. Og ég er búin að senda kort til fullt af löndum. En það sem mér finnst svo sniðugt við þessa síðu er að maður getur ekki bara skráð sig inn og fengið send póstkort, því maður verður að senda sjálfur til að fá sent kort. Þetta virkar sem sagt þannig að þú skráir þig inn (nafn, heimilisfang, land, netfang o.fl.). Þá færðu sent á netfangið þitt heimilisfang og nafn á einhverjum í öðru landi sem þú átt að senda póstkort til. Stundum stendur líka eitthvað um þann sem þú ert að senda til, t.d. hvernig póstkort eru í uppáhaldi hjá viðkomandi. Svo sendiru bara póstkortið og bíður þangað til það kemst til skila. Þegar það er komið til skila og viðkomandi búinn að skrá póstkortið inn á síðuna þá fer þitt nafn og heimilisfang í pottinn og þú getur átt von á póstkorti frá framandi landi. :) Hrein snilld segi ég bara. Endinlega prófið. Það eru sorglega fáir íslendingar þarna inni; ekki nema 105, á móti t.d. 7175 finnum! Enda verða allir alveg svakalega kátir að fá póstkort frá Íslandi og að fá að senda kort þangað. :)

Rugluð!

2008-01-31T14:15:00.000Z

Allar hafa einhvern tíma lent í því að halda að það sé t.d. miðvikudagur en svo er þriðjudagur. Eða að halda að það sé fimmtudagur en svo er föstudagur.

Ég var að lenda í svolítlu svipuðu. Nema ég var ekki að ruglast á dögum heldur MÁNUÐUM!!! Ég er búin að vera algjörlega sannfærð seinustu eina og hálfa viku að það sé alveg að koma mars. Var meira að segja farin að plana afmælið mitt í mars! Ég skil bara ekki hvernig þetta er hægt. Líka í svona langan tíma... Rúma viku! Ég á að mæta á ráðstefnu í byrjum mars og svo er líka mikið um að vera í kórnum í mars og ég var alveg farin að búa mig undir að mæta á þetta allt saman og farin að skipuleggja tímann. Ég hefði í alvörunni mætt niður í Söngskóla um helgina í æfingabúðir kórsins mín sem eiga að vera í byrjun mars ef ég hefði ekki áttað mig í tíma... Svona er maður vitlaus stundum. :þ

Til hamingju með daginn mamma :)

2008-01-17T11:48:00.000Z

Hún á afmæli' í dag
hún á afmæli' í daaag
hún á afmæli' hún mammaaaaa
hún á afmæli' í dag!

Hún er kornung í dag
hún er kornung í dag
hún er kornung hún mamma!
hún er koooornúúúúng ííííí daaaaag!

Betra seint en aldrei...

2008-01-11T12:44:00.000Z

Gleðileg jól!

Og gleðilegt nýtt ár!

Kemur á óvart....

2007-12-19T11:52:00.001Z

http://www.bb.is/?PageID=26&NewsID=109712

...eða þannig.

Sorglegt

2007-12-13T11:57:00.000Z

Ég hef svo sem ekki mikið fylgst með umræðunni í þjóðfélaginu upp á síðkastið um feminista en mér finnst samt að hvað það er að vera feministi hafi týnst í umræðunni. Hérna kemur smá skýring:

Feministi er sá sem vill jafnrétti, bæði fyrir konur og karla. Dæmi: Sömu laun fyrir sömu vinnu, fæðingarorlof fyrir bæði kyn o.s.frv.

Og ég held að allir vilji þetta. Þannig að í raun eru allir feministar. Allt annar handleggur eru svo kvenréttindakonur. Þær vilja sérstök kvenréttindi. Enn annar handleggur eru svo karlremburnar sem allir vita hvað er. En feministi er sá sem vill jafnrétti, jafnvægi.

Brasilískt vax

2007-12-01T18:58:00.000Z

Af hverju hafa stelpur svona mikinn áhuga á því að deila því með mér að þær fari reglulega í brasilískt vax?? Ég hef lent tvisvar í þessu á stuttum tíma. Ég hef afskaplega takmarkaðan áhuga á því að vita hvort þær færi í brasilískt eða ekki. Ekki það að ég sé eitthvað á móti því að fara í bresilískt vax, það er ekki það. Ég skil bara ekki af hverju það kemur mér við hvort manneskjan sem stendur á móti mér sé sköllótt að neðan eða ekki!

Jólasveinagjafapakkalistinn minn :)

2007-11-22T14:13:00.000Z

Það er komin ósk um að ég setji upp lista fyrir jólin. :) Og hérna kemur hann loksins.

Ég er að safna silfri í upphlutinn minn. :) Ég er komin með eina doppu í beltið. Og loksins er ég búin að finna út hvar silfrið fæst, hjá Árna Höskuldssyni gullsmiði, Bergstaðastræti 4.
Svo langar mig líka (auðvitað) í seinustu bókina af Harry Potter. Get ekki beeeeðið eftir að fá að klára söguna.
Mig hefur líka alltaf langað til að eignast miðju myndina af Lord of the Rings í svona special edition útgáfu, margir diskar saman. Ég á nebbla númer eitt og þrjú en vantar miðjuna.
Það sama er upp á teningnum með Harry Potter myndirnar. Ég á fyrstu þrjár myndirnar en vantar næstu tvær.
Svo er það Garfield. Ég eeeelska Garfield. Ég á nokkrar bækum með honum en væri sko alveg til í að eiga miiiiklu fleiri! :)
Ég væri líka alveg til í að eignast einhver skemmileg spil. T.d. Party og co. eða framhöldin af Catan.
Svo er það nýjasta Pirates of the Caribean. Ég á hinar tvær og væri alveg til í að eiga þessa nýjustu líka.
Svo eru það sokkamálin... Ég bara get ekki farið í vinnuna án þess að vera í sokkum í stíl við fötin mín. Og núna vantar mig alveg ferlega hlýja sokka sem eru ekki gráir eða hvítir. Nánast allir hlýjir sokkar sem ég á eru gráir eða hvítir en ef ég er t.d. í brúnum bol get ég ekki látið sjá mig í gráum sokkum! Það væri skandall! :þ Þannig að, bleikir ullasokkar væru alveg málið sko. :D
Góðar bækur eru líka vel þegnar, enda er ég mikill lestrarhestur. Þá kemur fyrst upp í hugann "Um langan veg. Frásögn herdrengs." Örugglega mögnuð bók.
Mig vantar líka í góðan skrifborðsstól. Þessi sem ég sit á núna er orðinn ansi lúinn og er alveg hræðilegur fyrir bakið!
Sængurföt eru líka eitthvað sem maður á aldrei nóg af. Og ég eiginlega bara of lítið af! Ég er meira að segja farin að draga fram gömul sængurföt með barbí og ponyhesta myndum til að dekka skortinn... Ekki það að sængurföt með myndum séu slæm. Söngurföt með kisumyndum væru t.d. mjög flott. Eða Garfield-sængurföt! Það væri toppurinn! :)
Svo eru það vettlingar. Ég veit ekki hvernig ég fer að þessu en ég bara virðist aldrei eiga nóg af vettlingum. Mér tekst annað hvort að týna þeim eða það kemur gat á þumalinn eða eitthvað svoleiðis.
Ullarpeysa er líka eitthvað sem mig vantar sárlega. Fína svarta ullarpeysan sem amma prjónaði handa mér er búin, þ.e.a.s. hún eyddist upp vegna miiiiikillar notkunnar. Og núna er ég búin að hertaka ullarpeysuna hennar mömmu, mömmu til lítillar hrifningar. :þ

Ætli ég láti þetta ekki nægja í bili...? :)

Barmmikil mjóna

2007-11-05T17:02:00.001Z

Mér tókst í vor að létta mig um örfá kíló. Þau komu að vísu fljótt aftur en hvað um það. Ég man bara eftir því hvað það var pirrandi að finna engan mun á fötunum mínum. Allar buxur voru áfram jafn þröngar og magamálið það sama. Fuss og svei. Eini munurinn sem ég fann var að ég fyllti ekki lengur upp í brjóstarhaldarann minn... Algjörlega típískt! Eini staðurinn sem maður er þokkalega sáttur við að sé breiður, hann þarf endinlega að minnka fyrst!

Núna aftur á móti er þetta allt annað. Ég líka búin að missa örfá kíló síðan ég byrjaði á Herbalife en í þetta skipti fara þau af réttum stöðum. 10 cm bara yfir magann takk fyrir! En bara 1 cm yfir brjóstin. :) Algjörlega fullkomið! Bíðið þið bara, ég verð barmmikil mjóna á tónleikunum mínum í vor! :D

Heilsuskýrla

2007-11-02T17:51:00.001Z

Og allir líka að fylla út heilsuskýrslu. :D Mjög gaman.

http://www.heilsufrettir.is/siggarosa/healthapplication

Komin á fullt!

2007-10-30T23:34:00.000Z

Þá er mín bara komin á fullt í Herbalife-viðskiptin! :) Allir að kíkja á nýju heimasíðuna mína! Rosalega flott! :D

http://www.heilsufrettir.is/siggarosa

"Hann er að kíkja á mig..."

2007-10-13T13:57:00.000Z

Það er eins gott að ég er í megrun! Ég var að sækja litla krúttið hana Evu Katrínu á leikskólann í gær og hún horfði furðulostin á mig.
EVA: "Hvað ertu með í magnum?"
ÉG: "Bara mat."
EVA: "Hann er að kíkja á mig!"
ÉG: "Ha? Er maginn að kíkja á þig?"
EVA: "Já!"
Þetta gengur ekki lengur! Maginn er orðinn svo stór að hann er farinn að hrella börnin í kringum mig! :þ

Óskir...

2007-10-12T18:21:00.000Z

Eins gott að passa sig á því hvað maður óskar sér... Í dag lenti ég í því að rúðupissið á bílnum mínum kláraðist. Og rúðurnar voru orðnar frekar kámugar. Þannig að ég hugsaði: "Ég vildi óska að það kæmi almennileg demba sem myndi hreinsa rúðurnar." Og mér varð sko sannarlega að ósk minni! Ég sá ekki út úr augum fyrir vatni...

Sjálfstæður Herbalife dreifingaraðili

2007-09-23T16:01:00.000Z

Ég er orðin sjálfstæður Herbalife dreifingaraðili. :) Og líst bara alveg ljómandi vel á! Enda var ég á Herbalife ráðstefnu í gær og þar komst ég svo sannarlega að því að Herbalife virkar! Ég hef aldrei á ævinni séð eins mikið af orkumiklu fólki saman komið! Enda fór helmingurinn af ráðstefnunni í að dansa og klappa og skemmta sér. :) Mjög gaman.

En fyrir ykkur sem ekki vitið þá er Herbalife hnitmiðuð næring, jafn að innan sem utan. Innri næringavörurnar eru fyrir þá sem þurfa að léttast, þyngjast, íþróttafólk eða bara fólk sem hefur áhuga á góðri næringu eða að bæta heilsuna. Sem sagt fyrir alla. Og það sama gildir um snyrtivörurnar; þær eru fyrir alla. :)

Allir sem vilja fríar prufur endinlega hafið samband. :) S: 6615838

Herbalife

2007-09-12T10:31:00.000Z

Þeir sem vilja fríar prufur hafið bara samband. :D

Sími: 6615838

Dagskrá vetrarins

2007-09-08T19:06:00.000Z

Óperukórinn í Reykjavík

Mozart Requiem
Björgvin Þ Valdimarsson - Heimsfrumflutningur
Beethoven Missa Solemnis með Sinfóníuhljómsveit Íslands og Askenazy
Carmina Burana - Reykjavík
Carmina Burana - Carnegie Hall New York!!! :D
Jón Ásgeirsson - Opera heimsfrumflutningur

Loksins fæ ég að syngja Carmina Burana! Og það í Carnegie Hall í New York! :D

Óperukórinn!

2007-09-07T11:19:00.000Z

Ég fór í inntökupróf fyrir Óperukórinn á miðvikudaginn. Og ég átti nú svo sem ekki von á því að komast inn í kórinn miðað við hvernig mér gekk. Ég söng eitt lag sem mér tókst ekki alveg að láta hljóma á neðra sviðinu þar sem ég var svo stressuð. Svo tók Garðar mig upp og lét mig syngja nokkrar söngæfingar og mér tókst það svona með herkjum. Svo spilaði hann nokkrar nótur og ég átti að syngja þær en auðvitað tókst það ekki. En mér til mikillar gleði fékk ég símtal seinni partinn í gær þar sem mér að tjáð að ég hefði fengið inngöngu í kórinn! :D Ég skil ekki alveg hvernig ég fer að þessu. Mér tekst alltaf að klúðra öllum prófum en samt næ ég alltaf. Eins og t.d. í tónheyrninni í vorprófinu mínu. Ég hef sjaldan klúðrað einhverju eins illa eins og þá en samt var ég ein af fáum í bekknum sem náði tónheyrninni! Furðulegt.

Ég FÆ frítt í strætó!

2007-09-04T16:58:00.000Z

Hér með tilkynnist það með stolti að ég FÆ frítt í strætó! :D Ég hefði átt að fárast meira yfir þessu um daginn. En Garðar skólastjóri þurfti víst að hafa mikið fyrir að koma þessu í gegn en það hafðist á endanum. Ekki það að skólastjóri á náttla ekkert að þurfa að standa í svona löguðu, bara af því að fögin í hans skóla eru eitthvað aðeins öðruvísi en í öðrum skólum. En sem sagt, allir á Framhalds- og Háskólastigi fengu strætókort. :) Ég er mjög glöð og ég held að eigi barasta eftir að nýta mér kortið. :)

Ég ER nemi!

2007-08-22T15:14:00.000Z

Ég hef ótrúlega oft verið spurð hvort að ég ætli ekki að fara að drífa mig í skóla. Fólk virðist ekki skilja að ég ER í skóla, Söngskólanum í Reykjavík. En ég held að skilji af hverju þetta er svona, því fyrst sjálft menntamálaráðuneytið lítur ekki á námið mitt sem "alvöru nám" hvernig get ég þá ætlast til þess að samfélagið sjálft geri það?? Ég las í Fréttablaðinu í morgun að tónlistarnemar fá ekki frítt í strætó eins og aðrir nemar borgarinnar. Og ástæðan er sú að strætó og borgin fara eftir skilgreiningu menntamálaráðuneytisins á því hvað er framhaldsskóli og háskóli. Og Söngskólinn í Reykjavík og aðrir tónlistarskólar flokkast greinilega ekki undir þá skilgreiningu. Samt á þetta að vera nám á bæði framhalds- og háskólastigi og er meira að segja námslánahæft hjá LÍN! Ég spyr, hver er munurinn á t.d. tónlistarnámi og myndlistarnámi? Ég sé hvergi umfjöllun um það að t.d. Listaháskólinn fái ekki frítt í strætó... Ég legg til að Söngskólinn verði skírður Söngháskólinn. Þá er ekki hægt að neita því að hann sé háskóli... :þ

Til hamingju Steini Díva! :)

2007-08-11T12:56:00.000Z

Tveimur tönnum fátækari...

2007-08-09T13:52:00.000Z

Ég hef aldrei verið hrædd hjá tannlæknum - alveg þangað til um daginn. Enda hef ég aldrei þurft að láta gera neitt stórt við tennurnar mínar - alveg þangað til um daginn. Ég hef verið, eins og flestir á mínum aldrei, að taka endajaxla undanfarin ár. Og þeir hafa aldrei verið til vandræða - alveg þangað til um daginn. Þá tók einn jaxlinn upp á því að fara að angra mig og ég varð stokkbólgin og rosalega aum. Þannig að ég ákvað nú að láta kíkja á hann. Og ég var varla búin að opna munninn þegar tannlæknirinn sendi mig heim með stóran skammt af sýklalyfjum og sagði mér að ég yrði að koma aftur eftir 10 daga til að láta rífa úr mér tvo endajaxla! Í fyrstu fannst mér það nú svo sem ekkert mál. En þegar það fór að líða að tanntökunni fór stressið að gera vart við sig. En annars varð ég eiginlega ekkert hrædd, ekki fyrr en hann var búinn að deyfa mig. Þá einhvern veginn rann það upp fyrir mér að það var að fara að rífa úr mér tvo jaxla. Þannig að ég skalf og nötraði eins og hrísla og varð lafmóð eins og eftir maraþonhlaup! Ég eiginlega hálf skammaðist mín fyrir þetta en tannlæknar eru sjálfsagt vanir svona. Svo byrjaði hann að rífa. Og bara allt í einu var einn jaxl farinn. Og svo næsti. Og það var bara eiginlega ekekrt stórmál... Það eina sem var ógeðslegt var að heyra brestina sem bergmáluðu í höfðinu á mér... Frekar óhugnalegt...

Flottir litir :)

2007-07-25T01:58:00.000Z

Grikkland

2007-07-13T15:13:00.000Z

Ég hringdi til Grikklands í morgun. Þetta lítur allt saman vel út. :) Ég vona bara að þetta gangi. :D

Smá útskýring: Ég fór á heimasíðu Alþjóðlegra ungmennaskipta um daginn. Og þá ákvað ég að láta langþráðan draum rætast. Þ.e.a.s. að fara til útlanda í eitt ár, breyta aðeins til. Þannig að ég dreif bara í þessu og sótti um verkefni á Grikklandi, um 50 km frá Aþenu. Verkefnið felst í því að hjálpa til á leikskóla frá kl. 8 - 14 á daginn. Og í staðinn fæ ég borgað farið út og heim, frítt fæði og húsnæði og vasapening í hverri viku. :) Ekki amalegt. Og svo á ég frí allar helgar og fæ 2 vikna frí yfir sumarið. Þannig að ef allt gengur eftir þá fer ég til Grikklands haustið 2008. :D

Kúluís

2007-07-10T21:42:00.000Z

Hvernig stendur á því að mann langar alltaf til að borða neðstu kúluna í kúluísnum fyrst...?

Allir að krossa fingur!

2007-07-10T09:39:00.000Z

Ég er búin að sækja um þetta fyrir haustið 2008... Svo er bara að vona að það gangi eftir! :)

http://ec.europa.eu/youth/program/sos/hei/hei_form_en.cfm?EID=34000123201

Hérna er þetta...

http://maps.google.com/maps?f=q&hl=en&amp;geocode=&q=Vrahati+Greece&sll=42.293564,41.835938&sspn=58.380724,118.476563&amp;ie=UTF8&ll=38.543869,22.955933&spn=1.954758,3.702393&t=h&amp;z=8&iwloc=A&om=1

Varðeldur í stofunni

2007-07-07T23:01:00.000Z

Við mamma gerðum góða tilraun um daginn til að kveikja í stofunni... Og úr varð varðeldur...

Ættarmót

2007-07-05T09:56:00.000Z

Ég fór á ættarmót í Þrastarskógi um helgina. Það var mjög gaman enda alltaf gaman að hitta skemmtilega ættingja. :) Og ekki spillti veðrið fyrir; endalaus sól og blíða! Og að sjálfsögðu sat ég úti og baðaði mig í sólinni. Sem endaði svo með því að ég skaðbrann... :p

Ljósmyndakeppni

2007-06-25T19:31:00.000Z

Ég ákvað að taka þátt í ljósmyndasamkeppni Hans Petersen og mbl.is. Ekki það að ég eigi von á að komast langt en það er samt alltaf gaman að taka þátt. :)

Hérna eru myndirnar sem ég sendi inn:

http://www.mbl.is/mm/folk/ljosmyndasamkeppni/myndir.html?photogr_id=4739

Úff

2007-06-23T19:41:00.000Z

Ég fór aftur í Kattholt í morgun. Úff. Þetta var erfiðara núna en seinast. Kettlingarnir sem ég talaði um seinast voru orðnir ennþá veikari. Einn sá nánast ekkert því hann var með svo mikla sýkingu í augunum. Og annar var með blóðugt hor í nefinu. :( Og svo tók ein kisan upp á því að gjóta meðan ég var þarna! Ég fylgdist að sjálfsögðu spennt með en svo voru báðir kettlingarnir dánir. :( Sorglegt. En ég sá líka allir hinar kisurnar sem voru ekki veikar. Ég sá til dæmis eina algjöra rúsínu sem var nánast alveg blind með einhvers konar erfðagalli. Og hún var alltaf að reyna að tala við mig en steig alltaf ofan í vatnsdallinn sinn því hún sá auðvitað ekkert. Algjört krútt!

Dæmisaga

2007-06-21T19:50:00.000Z

SAGA 1:

Einu sinni var stelpa sem hét Sigga. Hún var að læra söng í Söngskólanum í Reykjavík. Þetta var frekar dýr skóli sem kostaði ca. 200.000 kr. á ári. En Sigga var bara með 1.200.000 kr. í laun á ári þannig að skólagjöldin voru 1/6 af laununum hennar. Hún ákvað því að snúa sér til stéttarfélagsins til að sjá hvort það gæti nú ekki hjálpað henni. Fyrst kíkti hún á netið og sá að VR borgaði 50 % af skólagjöldum. Ekki slæmt! Því næst hringdi hún til VR til að vera viss. Þar fékk hún það uppgefið að af því að hún var svo tekjulág átti hún bara rétt á 12.000 kr. styrk á ári til náms, þar sem námsstyrkir voru tekjutengdir.

SAGA 2:

Einu sinni var stelpa sem hét Rósa. Hún var að læra söng í Söngskólanum í Reykjavík. Þetta var frekar dýr skóli sem kostaði ca. 200.000 kr. á ári. Rósa var aftur á móti með 10.000.000 kr. í laun á ári. Hún átti því rétt á 100.000 kr. styrk á ári frá VR til náms en þar sem hún var svo tekjuhá þá munaði hana ekkert um þennan 200.000 kall. Þar af leiðandi nýtti hún sér ekki styrkinn.

BOÐASKAPUR:

VR græðir!

VR mæ ees!

2007-06-20T15:38:00.000Z

Allir í kringum mig segja að VR sé frábært stéttarfélag. En það er bara ekki satt! Ég er alveg búin að komast að því að VR stéttarfélag er ríkramannafélag! Efling (sem ég hef nú ekki haft mikið álit á hingað til) er þúsund sinnum betra félag að þessu leiti. VR vill ekkert fyrir mig gera af því að ég er ekki með nógu há laun. Ég fæ nánast enga styrki eða neitt, af því að allt er tekjutengt hjá þeim. Þannig að þeir sem eru með há laun fá mest frá þeim. Þegar ég fer á þing (takið eftir þegar, ekki ef...) þá ætla ég að setja þau lög að maður geti valið í hvaða félag maður borgar! Þá fyrst kæmi smá samkeppni í þetta og félögin færu kannski aðeins að leggja sig fram við að næla sér í fólk!

Ilmandi auga...

2007-06-18T17:42:00.000Z

Ég er svo mikill snillingur stundum. Mér tókst áðan að sprauta ilmvatni beint upp í augað á mér! Og það var eiginlega alveg hræðilega vont. Og er enn. :(

Klessukeyrsla

2007-06-15T11:22:00.000Z

Á miðvikudaginn sat í mestu makindun, eins og svo oft áður, í vinnunni. Allt í einu heyrðust þessir líka svakalegu skruðningar og læti fyrir utan gluggan hjá mér. Ég hrökk í kút og hljóp út í glugga, algjörlega sannfærð um að einhver væri búinn að keyra bílinn minn í klessu. Sem betur fer (fyrir mig) reyndist það ekki vera raunin. Beint fyrir neðan gluggann minn hafði gamall karl á of stórum bíl tekist að keyra upp 40 cm háan kant og fella ljósastaur og grindverk í leiðinni. En sem betur fer slasaðist enginn. En það munaði ekki miklu því ljósastaurinn datt inn í hárgreiðslustofu sem var beint á móti (inn um hurðina sem var opin! Ótrúlegt!) og lenti við fæturnar á rakaranum! Og svo gömul kona var svona sirka hálfan metra frá ljósastaurnum þegar hann datt. Það er því ekki hægt að segja annað en að þetta hafi verið lán í óláni. En það skrýtna við þetta var samt að ég var skálfandi lengi á eftir... Við hljóðin fékk ég alveg sömu skelfingartilfinninguna og þegar það var keyrt aftan á mig. Kannski ég hafi orðið fyrir meiri áhrifum við aftanákeyrsluna en ég hélt...

Mjúk vekjaraklukka

2007-06-12T10:24:00.000Z

Ég á alveg pottþétt mýkstu vekjaraklukku í heimi. Það versta við hana er samt að hún virðist vera 10 mínutum of fljót og ekki viðlit að stilla hana... Þannig er nefninlega mál með vexti að á hverjum einasta morgni, nákvæmlega 10. mínutum ÁÐUR en ég ætla að vakna, heyrist stutt mjálm og svo mal og svo er byrjað að nudda sér upp við mig. Fyrst axlirnar, svo andlitið, svo fæ ég smá hárþvott og koddinn minn er þæfður. Og ef þetta dugar ekki til að vekja mig, sem það gerir nú yfirleitt, þá er farið á tærnar. Fyrst er nuddað sér upp við þær, svo sleiktar smá og á endanum, ef allt annað bregst, bitið í þær. Og það dugar undantekningaraust til að vekja mig, nákvæmlega 10 mínutum áður en ég ætla að vakna. Og ég bara veit ekki hvernig er hægt að stilla þessa blessuðu vekjaraklukku... Einhver ráð?

Hræðilegar aðstæður!

2007-06-11T13:14:00.000Z

Ég er eiginlega alveg miður mín. Ég var að fá skýrlu um 7 ára strákinn sem ég styrki á Indlandi. Hann býr í dalítaþorpi og er stéttleysingi og á í rauninni enga von um betri framtíð. Hann býr í moldarkofa með stráþaki og að sjálfsögðu er ekkert rafmagn, rennandi vatn eða salernisaðstaða. Þegar hann kom til abc var hann með malaríu, orma, gat ekki gengið í skóla því að hann þurfti að vinna og átti nánast engin föt. Hann átti ekki einu sinni teppi til að sofa með á veturna. En núna fær hann mat, læknishjálp, þarf ekki að vinna, fær að ganga í skóla og fær meira að segja hjálp við heimanám á kvöldin!. Og fjölskyldan hans fær styrk fyrir ábreiðum, skólagögnum, mat og hreinlætisvörum. Og allt þetta borga ég, með litlum 1950 kr. á mánuði! Ég hvet alla sem eiga 1950 kr. á mánuði (eiga það ekki allir...? Þetta er ekki einu sinni kassi af bjór... Eða ein leigubílaferð heim...) að láta verða að því að styrkja barn. Með skýrslunni fékk ég sent kort frá honum sjálfum þar sem hann þakkaði mér fyrir og teiknaði fallega mynd handa mér. Afskaplega sætt. :) Ef það nægir ekki til að bræða fólk hvað gerir það þá?

Hérna getið þið skoðað myndir frá dalítaþorpinu:

http://www.abc.is/ABChjalparstarf/Starfiderlendis/Indland/Dalitathorpin/

Meira af Kattholti

2007-06-10T19:24:00.000Z

Ég fór í þriðja sinn í Kattholt í morgun. Og ég verð að viðurkenna að þetta skiptið var mun auðveldara en hin tvö. Og það var aðalega út af því að ég var eiginlega bara að sinna hótelkisunum en ekki óskilakisunum. Helsti munurinn á hótelkisum og óskilakisum er að hótelkisurnar eru lang flestar heilbrigðar og hressar. Margar óskilakisur eru að sjálfsögðu líka hressar og heilbrigðar en samt eru líka margar mjög veikar. Og það er alveg hræðilegt að horfa upp á það. Ég sá samt líka nokkrar veikar kisur núna eins og hin skiptin. T.d. sá ég 4 afskaplega veika kettlinga. :( Það var mjög sorglegt. Pínulítil kisubörn, of veik til að leika sér, of veik til að bara vera kettlingar. :( En ég sá líka aðrar kisur. Ég sá t.d. eina kisu sem opnaði alltaf munnin með reglulegu millibili, greinilega að reyna að mjálma, en ekkert hljóð kom. Þegar ég fór að skoða hana nánar sá ég að hausinn á henni skalft, svona eins og á gömlu fólki. Ég fór að spyrjast fyrir um hana og þá kom skýringin. Hún var hvorki meira né minna en 23 ára gömul, jafn gömul mér! :) Hún var afskaplega elskuleg gömul kisa en þurfti að sjálfsögðu smá sérþjónustu, eins og stappaðan mat og svoleiðis. Ég vona að Kisi verði við jafn góða heilsu og hún þegar hann verður 23 ára... :p

Oj bjakk!

2007-06-09T11:38:00.000Z

Af hverju get ég ekki bara fengið venjulega hálsbólgu eins og allir aðrir? Þar sem ég get bara labbað út í næsta apótek og keypt mér strepsils og verið orðin góð eftir viku? Ég er ennþá í þessum sprautum í hálsinn í hverri viku. Og það hefur nú svo sem vanist. En núna seinast hitti læknirinn eitthvað illa... Og í fyrsta lagi blæddi meira heldur en vanalega. Og í öðru lagi fékk ég stærðarinnar kúlu á hálsinum! Þetta var seinasta þriðjudag og nú er laugardagur og ég er ennþá með kúlu! Þegar ég lít til hliðar finn ég þrýsting á hálsinn. Og ég er líka með stærðar marblett. Ég finn svo sem ekkert brjálæðislega til en þetta er bara svo ógeðslegt! Að vera með kúlu á hálsinum! Og ef ég ýti á hana verður erfitt að anda... Oj bjakk!!! Ég heimta venjulega hálsbólgu næst, takk!

Í minningu Gosa

2007-06-01T17:09:00.000Z

Börn

2007-05-30T10:36:00.000Z

Ég hef afskaplega gaman af því að styrkja. Og ég vildi að ég hefði meira af peningum milli handanna til að styrkja góð málefni. En lang skemmtilegast finnst mér að styrkja börn. Eins og er styrki ég 3 börn. Eina stelpu frá El Salvador sem er 10 ára núna. Ég byrjaði að styrkja hana þegar hún var 8 ára. Ég hef sent henni litlar gafir og jólakort og hef fengið eitt kort frá henni sem var mjög gaman. Svo hef ég líka fengið tvær myndir af henni og eina mynd af allri fjölskyldunni hennar. Svo fæ ég líka reglulega upplýsingar um hana; hvað henni finnst gaman og hvernig henni gengur í skólanum. Og mér fannst þetta svo skemmtilegt að ég ákvað að bæta við öðru barni og svo enn öðru. Á föstudaginn fyrir Eurovision fékk ég svo senda mynd og upplýsingar um barn nr. 2. Það reyndist vera 15 ára stelpa frá Bosníu. Á laugardeginum horfði ég svo á Eurovision þar sem Bosnía keppti með stæl. Og ég gat ekki annað en velt fyrir öfgunum í þessu. Núna var ég að styrkja munaðarlaust barn í Bosníu sem ríkið sjálft hafði ekki efni á að halda uppi og varð fá utanaðkomandi hjálp, en samt borguðu þau fyrir undir söngkonu til að taka þátt í Eurovision... Ekki það að ég sjái eftir peningum sem fer í barnið enda ekki stór upphæð; aðeins 2300 kr. á mánuði. En ef litlar 2300 kr. á mánuði halda upp einu barni (matur, læknishjálp, skóli, heimili) hversu mörgum börnum gætu krónurnar sem fóru í söngkonuna haldið uppi...? Ekki það að það að taka þátt í Eurovision er sjálfsagt gott fyrir sjálfstraust þjóða, en samt... Þetta er pæling. En annars er ég ekki enn búin að fá mynd af þriðja barninu en ég veit að það er 7 ára strákur frá Indlandi. :) Ég mæli með þessu. Þetta er ótrúlega gefandi og skemmtilegt.

Sprautur í hálsinn!

2007-05-25T11:18:00.000Z

Ég fór til háls-, nef- og eyralæknis í gær þar sem ég er alltaf með einhvern kverkaskít. Ég settist grunlaus í stólinn og hann kíkti í hálsinn og spurði mig svo um einkenni. Ég svaraði að sjálfsögðu samviskusamlega; sárir stingir, þröngur háls, leiðir út í eyru, eins og að kyngja sandpappír. Þá þreyfaði hann sitthvoru megin á hálsinum á mér og tilkynnti mér að ég væri með harðsperrur í tungurótarvöðvunum eftir hálskirtlatökuna. Mér fannst það nú frekar skrítið þar sem ég fór í kirtlatökuna í haust. Geta harðsperrur endst svo lengi? Hann sagði að það gæti alveg verið og væri meira að segja bara frekar líklegt. Svo sagðist hann ætla að deyfa vöðvana og dró fram sprautu. Mér var nú ekki farið að lítast á blikuna. Ætlaði hann virkilega að sprauta í hálsinn á mér?? Það reyndist raunin og ég fékk eina sprautu sitthvoru megin. Þegar hann var búinn andaði ég léttar. Þetta var nú ekkert svo slæmt! En svo fór deyfingin að virka. Allur hálsinn dofnaði og það varð erfitt að kyngja. Svo dofnaði neðri vörun þannig að hún seig niður öðru megin. Mjög gaman. Ég labbaði út frekar þvoglumælt og lítandi út eins og hálfviti... Svo mætti ég í vinnuna og átti að fara að gera skoðanakönnun! Þið getið ímyndað ykkur hvernig það gekk... En það merkilega við þetta allt saman er að ég held bara að þetta hafi virkað! Ég var á kóræfingu frá kl. 17 og söng svo á tónleikum strax á eftir. Vanalega hefði ég verið orðin mjög þreytt í röddinni og frekar rám. En ég var bara í góðu standi! Ekkert rám eða neitt! Það væri æðislegt ef ég gæti loksins losnað við þennan fjandans kverkaskít í eitt skipti fyrir öll! Núna á ég bara eftir að fara í nokkur sprautuskipti í viðbót og vonandi verð ég þá orðin góð! :D JIBBÍ!!!

Fréttablaðið

2007-05-22T14:20:00.000Z

Núna erum við mamma búnar að búa á sama stað í 2,5 ár. Og alltaf höfum við fengið fréttablaðið heim að dyrum, í hvaða veðri sem er og þrátt fyrir ómokaða stiga. Alveg þangað til upp á síðkastið. Þegar ég var ekki búin að fá fréttablaðið í meira en viku hringdi ég til þeirra til að minna á mig. Ég byrjaði ósköp kurteislega og bað þá vinsamlegast um að minna blaðberann á að bera blaðið til mín og gaf góða lýsingu á aðgenginu. Símastúlkan spurði þá hvort ég væri með póstkassa eða lúgu. Og ég svaraði því neitandi. Þá sagði hún frekar stutt í spuna að það væri ástæðan fyrir því að ég fengi ekki blaðið.

ÉG: "Nú? Eru það einhverjar nýjar reglur?"

SÍMADAMAN: "Nei. Þetta hefur alltaf verið svona."

ÉG: "En ég hef alltaf fengið fréttablaðið. Blaðberinn setti það bara á húninn."

SÍMADAMAN: "Það gæti fokið burt."

ÉG: "Það er nánast alltaf logn fyrir utan hurðina hjá mér."

SÍMADAMAN frekar pirruð: "Svona eru bara reglurnar!"

ÉG: "Ég var nú að bera út fréttablaðið sjálf og kannast ekkert við þessar reglur."

SÍMADAMAN: "Blaðið verður að fara ofan í eitthvað!"

ÉG: "Má stinga því inn um gluggann sem er við hliðina á hurðinni? Hann er alltaf opinn."

SÍMADAMAN: "Nei."

ÉG: "Hvað get ég þá gert ef ég vil fá blaðið?"

SÍMADAMAN: "Þú getur set poka á húninn."

Þögn.

ÉG: "Ertu ekki að grínast í mér? Má blaðið fara í poka á húninum en ekki á húninn sjálfan?"

SÍMADAMAN: "Þetta má samt ekki vera bónuspoki eða eitthvað svoleiðis. Það verður að vera taupoki."

Eftir þetta athygglisverða samtal setti ég út poka. En ekkert fréttablað kom. Ég hringdi að sjálfsögðu aftur til að kvarta og þá loksins fékk ég skýringu á blaðaleysinu. Skýringin var einfaldlega sú að blaðberinn í mínu hverfi er hættur! Núna fæ ég sem sagt bara fréttablaðið um helgar því þá er annar blaðberi. En ég þori samt ekki annað en að hafa pokann á húninum til öryggis...

Kisamyndir

2007-05-22T10:27:00.000Z

Komnar nýjar myndir af Kisa! :)

http://kisi.dyraland.is/

Frábærir tónleikar! :)

2007-05-21T09:29:00.000Z

Allir að láta sjá sig! :)

Brrr...

2007-05-21T09:21:00.000Z

Það er snjór úti! Ætli yfirvöld séu með leyfi fyrir þessi???

Þjónustan í BT

2007-05-15T14:45:00.000Z

Ég keypti mér utanáliggjandi harðan disk hjá BT um daginn. Nema hvað, ég setti hann í samband við tölvuna en ekkert gerðist! Ég skoðaði allar snúrur og las leiðbeiningarnar í þaula en ég gat ekki séð að ég væri að gera neitt vitlaust. Ég hringdi því í BT en ég gat ekki með nokkru móti fengið samband. Ég reyndi að hringja þrisvar sinnum og beið í símanum í 10 mín. í hvert skipti. Á endanum náði ég þá í gegn en einu svörin sem ég fékk var að hringja í annað fyrirtæki sem sér um tölvuviðgerðir! Þá spurði ég hvort ég þyrfti að borga fyrir viðgerð á splunkunýjum hörðum disk en þá varð fátt um svör. Nú var farið að síga verulega í mína en ég ákvað nú samt að prófa að hringja í þetta blessaða fyrirtæki sem símastrákurinn benti mér á. Þar var mér tilkynnt að það þyrfti að stilla diskinn á einhvern sérstakan hátt en að það væri afskaplega flókið og engan veginn hægt að gera í gegnum síma. Ég ætti því bara að koma með diskinn niður eftir og láta þá stilla hann. Þegar hér var komið við sögu fannst mér þetta farið að verða frekar furðulegt. Það bara gat ekki verið svona flókið að kaupa sér utanáliggjandi harðan disk! Ég hringdi því aftur í BT og lenti í þetta skiptið á sæmilega kurteisri símastúlku sem gaf mér samband við viðgerðardeildina. Þar svaraði einhver tölvustrákur sem ég átti afar skemmtilegt samtal við sem hljóðaði einhvern veginn svona:
ÉG: "Ég var að kaupa hjá ykkur utanáliggjandi harðan disk en tölvan mín virðist ekki finna hann."
HANN (frekar áhugalaus): "Er hann í sambandi við rafmagn."
ÉG: "Já, hann er í sambandi."
HANN: "Og er hann í sambandi við tölvuna?"
ÉG: "Já."
HANN:"Og er kveikt á honum?"
ÉG: "Já."
HANN (ennþá áhugalaus): "Ef þetta er allt í lagi á hann bara að poppa upp á skjánum."
ÉG: "Það gerist ekkert."
HANN: "Er örugglega kveikt á honum? Það er svona lítill takki aftan á honum sem stendur I og O og hann á að vera á I."
ÉG: "Já, hann er á I. Og það er blátt ljós framan á honum og ég heyri í honum vinna."
HANN: "Nú! Og hann er örugglega í sambandi við tölvuna?"
ÉG: "Já. Við USB tengið."
Og núna fór drengurinn loksins að sýna áhuga og bað mig að gera fullt af flóknum hlutum til að reyna að finna út úr þessu. Og hann komst að lokum að niðurstöðu!
HANN: “Tölvan virðist ekki finna diskinn.”
Merkilegt! Nákvæmlega sama og ég byrjaði samtalið á! Svo sagði hann mér að koma bara með hann niður í BT og þeir myndu kíkja á hann. Og ég gerði það að sjálfsögðu. En þegar ég mætti þangað tók ekki mikið betra við. Ég labbaði að einum afgreiðslustráknum og sagði honum hvað að ég var með. Og hann leit á mig og glotti! Beint framan í opið geðið á mér! En hann tók samt diskinn (ennþá glottandi!!!) og sagðist ætla að kíkja á þetta. En þegar hann fór að skoða þetta aðeins betur kom í ljós að þetta var framleiðslugalli! Þá þurrkaðist glottið loksins framan úr honum! Piff! Ég fékk að sjálfsögðu annan disk og hann virkar eins og í sögu. Ég er alveg sannfærð um að ef ég væri karlkyns fengi ég ekki svona viðbrögð! Ég er kannski ekkert tölvuséní en ég veit alveg nóg samt sem áður. En ég skil líka alveg að þessir tölvustrákar hljóta að fá fullt af símtölum frá fólki sem veit ekkert um tölvur en að glotta fram í mig án þess einu sinni að líta á diskinn fannst mér nú frekar fúlt! Ef ég hefði verið nördalegur strákur er ég viss um að ég hefði verið tekin alvarlega frá upphafi.

Gasgrill

2007-05-14T10:04:00.000Z

Við mæðgurnar keyptum okkur þetta fína gasgrill í seinustu viku. :) Og ég held bara að við höfum grillað öll kvöld síðan... Verst bara hvað ég er ferlega hrædd við gas. Ég þori varla að kveikja á grillinu sjálf og ég spyr mömmu örugglega svona 10 sinnum hvort hún hafi nú ekki örugglega skrúfað fyrir gasið... Ég hlýt að venjast þessu... :p

Blóðprufa

2007-05-09T17:42:00.000Z

Ég fór til ofnæmislæknis í gær til að láta grennslast fyrir um hvort að ég sé með pensilínofnæmi eftir allt pensilínátið seinasta sumar. Og fyrsta skrefið var blóðprufa. Ég settist hin rólegasta í stólinn enda ekkert sérstaklega hrædd við sprautur. Svo var bandið hert um handlegginn og beðið. Og beðið. Og beðið. Og ég sat með lokuð augun og beið eftir stunginni. Svo fór hjúkrunarfræðingurinn að pota og lemja laust í handlegginn á mér. Þá ákvað ég nú að hætta á að opna augun og kíkja á hvað hún var eiginlega að gera. Hún leit afsakandi á mig og sagðist vera að leita að góðri æð. Svo virtist sem að hún finndi eina góða en hún var ekki á venjulega staðnum heldur en á hliðinni á handleggnum á mér! "Þetta verður aðeins sára því þetta er hérna á hliðinni." sagði hún svo hin rólegasta og stakk mig. Og ég fann nú svo sem engan brjálaðan mun. Það er alltaf vont að láta stinga sig með nál! En jæja, svo var byrjað að tappa af mér. Þegar hún var komin á þriðja glas var mér ekki farið að lítast á blikuna. Var ekki nóg að fá eitt?? Eftir fimmta glasið var mig farið að svima ansi mikið og sem betur fer stoppaði hún þá. Fimm glös takk fyrir! Ég veit það ekki, kannski er þetta ekkert mikið enda hef ég svo sem enga svakalega reynslu af blóðprufum en mér fannst þetta bara alveg nóg fyrir stutta manneskju eins og mig. Ég var allavega hálf tuskuleg það sem eftir var dagsins. Fyrst á eftir varð ég svakalega þyrst og lafmóð á þessari stuttu leið út í bíl. Ætli það sé svona lítið blóð í mér að ég megi ekki við blóðprufu? Hjúkrunarfræðingurinn átti allavega í erfiðleikum með að finna sæmilega æð... Piff! Ég ætti kannski að leggjast í grænar baunir...

Tónleikar

2007-05-08T11:07:00.000Z

Ég fór á tónleika á sunnudaginn hjá Vox academica sem var að flytja Ein Deautsches Requiem eftir Brahms. Ég ætlaði að vera mætt um kl. 15:30 en endaði á að vera mætt 10 mín. í fjögur. Ég sá fyrir mér að ég þyrfti að sitja aftast fyrir aftan einhvern svakalega stóran karl. Sú reyndist nú sem betur fer ekki raunin. Fremsti bekkur var tómur og ég plantaði mér að sjálfsögðu þar. Fremsti bekkur er nú kannski ekki beint talinn vera besti bekkurinn en í þetta skipti kom það ekki að sök. Ég sá alveg ljómandi vel allt sem ég vildi sjá og hljómsveitin og kórinn blönduðust bara vel þrátt fyrir að ég sæti nánast í fangingu á sellóleikurunum. :) Verkið var mjög flott (Brahms er alltaf flottur!) og ég skemmti mér alveg ljómandi vel. Ekki skemmdu Diddú og Kristinn Sigmunds fyrir heldur. En rosalega er Kristinn stór! Á alla kanta! Tumi og Diddú hefðu komist saman fyrir inn í honum! :)

Sigurstranglegt Ísland

2007-05-07T10:18:00.000Z

Ótrúlegt hvernig fréttamönnum tekst alltaf að finna að minnsta kosti einn Eurovision aðdáanda sem segir að Ísland sé með sigurstranglegasta lagið. Og svo höfum við ekki einu sinni komist upp úr forkeppninni hingað til!

Búin!!!

2007-05-05T12:26:00.000Z

Guði sé lof! Ég er búin í prófum!!! :) Ég var að klára söngprófið mitt í gær. Sönghlutinn gekk bara vel held ég. Ég gat allavega sungið í gegnum öll lögin mín sjö á þess að stoppa. :p Hinn hlutinn gekk ekki eins vel... Og það fyndna er að ég hafði miklu meiri áhyggjur af lögunum mínum heldur en tónheyrnarhlutanum af því að hingað til hefur tónheyrnin verið mér frekar auðveld. Það sem ég gerði ekki ráð fyrir var stressið. Hausinn á mér lokaðist gjörsamlega! Prófdómarinn lét mig fá eitt lag sem ég átti að syngja. Og gaf mér hljóminn og tóninn sem ég byrjaði á og svo fékk ég hálfa mínútu til að lesa yfir lagið áður en ég átti að syngja það. Og á þessari hálfi mínúti tókst mér ekki einu sinni að finna út í hvaða tóntegund lagið var! Samt var lagið í E-dúr sem maður lærir þegar maður er í 2. stigi... Þarf af leiðandi gat ég sungið fyrsta tóninn í laginu (sem prófdómarinn var búin að gefa mér) og svo ekkert meir. Næst spilaði hann fyrir mig tveggja radda laglínu og ég átti að syngja efri röddina. Og mér tókst að sjálfsögðu að klúðra því. Svo spilaði hann fyrir mig laglínu og spurði mig svo hvort endirinn hefði verið hálfendir eða aðalendir sem er nú yfirleitt frekar auðvelt að heyra. En nei, ég gat ekki svarað því. Og svo spurði hann mig hvort laglínan hefði verið í moll eða dúr, sem er líka mjög auðvelt að heyra, en mér tókst samt ekki að svara því. Því næst spilaði prófdómarinn stutt verk og spurði mig frá hvaða tímabili verkið var og viti menn! Loksins gat mín svarað rétt! Jibbí! Eitt rétt svar! Þá spurði hann mig í hvaða takti verkið var og ég gat að sjálfsögðu ekki fundið það út. Samt var það í 6/8 sem er nú ekkert erfitt að heyra. Svo lét hann mig klappa hrynmynd. Sem allir get! En mér tókst það samt ekki! Úff! Síðast fékk ég svo annað lag sem ég átti að syngja. Og það var sama upp á teningnum þar. Ég gat bara ekki fundið tóntegundina og þess vegna komu bara fyrstu tónarnir. Ég vona bara að þessi hluti af prófinu gildi ekki mikið... Þetta er samt svo svekkjandi af því að ég veit að ég get gert þetta allt saman. Ég get meira að segja gert þetta mjög vel! Ætli þetta flokkist ekki undir prófkvíða?

Vitleysingurinn ég

2007-04-30T19:39:00.000Z

Ég var í mesta sakleysi að keyra nýja fína bílinn minn um daginn. Allt í einu tók ég eftir því að bílinn var farinn að ganga furðulega. Ég einbeitti mér samstundis að ganginum til að reyna að finna út hvað þetta gæti eiginlega verið en þá hætti það. Ég var hugsi smá stund en hætti svo að velta mér upp úr þessu. Þetta var örugglega bara tilviljun. Stuttu seinna var bílinn aftur farinn að ganga furðulega! Ég einbeitti mér strax aftur að ganginum og lækkaði í útvarpinu í leiðinni til að heyra betur. En eins og hendi væri veifað hættu furðulegheitin! Stórfurðulegt! Það var ekki fyrr en í þriðja sinnið sem þetta endurtók sig að ég uppgötvaði hvað var að gerast. Vitleysingurinn ég var að slá taktinn á bensíngjöfinni!!! Svona getur tónlistin leikið mann grátt... :p

Rafmagn

2007-04-24T16:31:00.000Z

Ég er með alveg ferlega vöðvabólgu. Og ég búin að reyna ýmislegt til að losna við hana... T.d. hljóðbylgjur. Ekki get ég sagt að þær bylgjur hafi verið hávaðasamar. Þær voru eiginlega bara alveg hljóðlátar... Er það ekki dálítið furðulegt að ekkert heyrist í hljóðbylgjum...? Svo hef ég líka prófað stuttbylgjur. Og leysigeisla... Og núna seinast í morgun, rafmagn! Það var eiginlega frekar skrýtið... Ég fékk tvær plötur á sitthvora öxlina og svo var straumi hleypt á. Fyrst fann ég bara smá kítl undir plötunum en svo fór ég að finna kítl alveg fram í hendur og upp í höfuð... Furðulegt. Ég sem hélt að rafmagn væri hættulegt...

Pennar

2007-04-20T10:18:00.000Z

Ég er búin að selja 415 penna. Ég vissi ekki að fólk væri svona hrifið af pennum...

Týndur leðurjakki! :(

2007-04-17T10:09:00.000Z

Aðalfundur kórsins míns var haldinn á föstudaginn á Hressó. Sem er í sjálfu sér ekki í frásögu færandi nema fyrir það að bjórinn var frír. Sem er í sjálfu sér ekki heldur í frásögu færandi nema fyrir það að ég drakk talsvert af honum. Við skulum allavega orða það þannig að ég hafi drukkið alveg nóg. En ég komst allavega heil heim og (að ég hélt) með allt mitt með mér. En annað kom á daginn. Ég vaknaði daginn eftir við vondan draum þar sem mamma öskraði: "Hvaða leðurjakki er þetta???" Ég rauk fram og sá leðurjakka, en alls ekki minn leðurjakka. Þessi var svartur og þunnur. Og hann var mjög víður á mig og hnésíður! Og til að toppa allt saman var hann angandi af rakspíra! Minn jakki er aftur á móti brúnn og þykkur. Og hann er frekar þröngur á mig og mittissíður. Og hann angar sko ekki af rakspíra! Ég gæti ekki hafa fundið jakka sem var ólíkari mínum til að taka með heim. Það eina sem þeir eiga sameiginlegt er að vera leðurjakkar. Hvað var eiginlega í bjórnum...?

Allavega, FUNDARLAUNUM er heitið!!! Hans er sárt saknað! :(

Smáfréttir

2007-04-12T20:09:00.000Z

Hvernig væri nú að koma með smáfréttir, svona eins og smáskyr eða smáskilaboð...

Ég fór aftur í Kattholt um daginn. Og á meðan ég var þar þá fékk litli sæti horaði kisustrákurinn nýtt heimili! :) Aldeilis flott. En svo kom meindýraeyðirinn með læðu og þrjá pínulitla kettlinga. Það var ekki eins gaman en þeir voru nú samt óttalega krúttlegir.

Ég held að ég sé að verða einum of vön fjarstýringum... Ég er þrisvar búin að reyna að opna útihurðina með fjarstýringunni af bílnum...

Ég fór í sneiðmyndatöku á þriðjudaginn. Stórfurðulegt. Aldrei farið í svoleiðis áður. Plantað á einhvern bekk, stranglega bannað að hreyfa mig og svo er manni rúllað fram og til baka á meðan tækið snýst um mann. Ég hafði það allavega á tilfinningunni að það væri eitthvað inn í þessum hring sem snérist... Veit sossem ekkert hvort það er rétt. En allavega, ekkert fannst og ekkert vantaði og það er fyrir öllu. ;)

Ég er orðin húkkt á Aveyond. Fínn leikur.

Hvað er málið með jeppa á ló prófæl?? Ég hélt að jeppar væru til að jeppast á, ekki til að sýna sig á...

Viðskiptablaðið í dag

2007-03-30T19:23:00.000Z

Framan á viðskiptablaðinu í dag er valdamesti maður í viðskiptalífinu í dag, samkvæmt skoðanakönnun. Nánar tiltekið, skoðanakönnun sem ég gerði! :) Þetta var sem sagt fyrsta verkefnið mitt í nýju vinnunni. Að hringja í helstu forstjóra og framkvæmdarstjóra í þjóðfélaginu og spyrja þá hvaða einstaklingur sé valdamestur að þeirra mati. Og þetta er útkoman. :) Forsíðufrétt á Viðskiptablaðinu og heil opna inn í líka. Ég get ekki verið annað en ánægð. :) Alltaf gaman að sjá að það sem maður gerir kemst í blöðin. Ekki það að nafnið mitt sé nefnt en það er aukaatriði. ;)

Kattholt

2007-03-26T10:32:00.001Z

Ég fór í Kattholt í gærmorgun. Þannig er nefninlega mál með vexti að ég hringdi þangað um daginn til að gerast félagi í Kattavinafélagi Íslands. Í leiðinni spurði ég svo hvort það væri möguleiki að fá að koma sem sjálfsboðaliði og vinna. Ég bjóst svo sem ekkert endinlega við því að það væri hægt, að þau vildu fá óvant fólk inn til hjálpa. En annað kom á daginn! Ég var boðin velkomin og mætti í gærmorgun kl. 8 og vann til kl. 12. Og reynslan var afskaplega ánægjuleg en líka afskaplega erfið. Ég var náttla að sjálfsögðu látin þrífa kisukassana, enda mesta vinnan við það, en það var í sjálfu sér ekkert erfitt þó að lyktin væri ekki góð. Erfiðast var að horfa upp á allar þessar óskilakisur sem þurfa svooo á athyggli og ást að halda. Þær voru sofandi í mestu makindum í búrunum sínum en um leið og ég labbaði framhjá stukku þær á fætur. Þær mjálmuðu, nudduðu sér upp við búrin, stungu loppunum og trýninu út og reyndu að ná í mig. Og ef ég leit á þær og labbaði til þeirra byrjuðu þær að mala. Bara við það að einhver sýndi þeim smá athyggli. Svo voru auðvitað nokkrar veikar kisur líka sem var mjög erfitt að horfa upp á. Það var t.d. einn lítill kisustrákur sem vildi endinlega leika við mig. En þegar ég nálgaðist hann sá ég að hann var rosalega horaður og korraði í honum þegar hann andaði. Hann hafði ekki einu sinni getu til að þrífa sig! Mig langaði mest að taka hann með heim. En á móti þessum erfiðleikum kom auðvitað að ég sá fullt af kátum og heilbrigðum kisum í leik og starfi. Ég sá t.d. 10 ótrúlega krúttlega og sæta kettlinga! :) Og svo voru tvær kisur að breima og voru alveg að missa sig yfir fressköttunum sem voru lokaðir inni í búrunum. Mjög fyndið. :) Og síðan þegar ég var að fara var ein kisan búin að koma sér veeel fyrir á peysunni minni og ætlaði sko ekki að sleppa! :) Ég ætla sko pottþétt aftur þangað til að hjálpa til.

Carmina Burana

2007-03-25T21:42:00.000Z

Ég hef aldrei á ævinni upplifað annað eins! Carmina Burana hefur alltaf heillað mig upp úr skónum en þetta var... ólýsanlegt! Ég hef farið á þrenna tónleika með þessu verki. Og alltaf skemmt mér sérstaklega vel. Fyrsta skiptið sem ég heyrði það var þegar Háskólakórinn og Vox Academica fluttu það. Annað skiptið var með Fílharmoníunni. Og núna í þriðja sinn í kvöld með Óperukórnum. Fyrstu tvö skiptin voru mjög flott og skemmtilegt. En samt væri hægt að taka þau tvö og leggja þau saman en samt kæmi það ekki í hálfkvist við það sem ég varð vitni að í kvöld. Enda er það ekki sambærilegt þar sem Óperukórinn er í raun atvinnukór. Þetta var svo kraftmikið og flott að ég er ennþá með gæsahúð! Og ekki spilltu Diddú, Bergþór og Þorgeir fyrir. Algjör snilld og hreinn klassi! Ég er í skýjunum! :)

MISMUNUN!

2007-03-23T16:59:00.000Z

Ef það er eitthvað sem ég þoli ekki er það mismunun. Allavega ekki þegar ég verð fyrir henni... Þannig er mál með vexti að ég fór á fund um daginn um söngnám erlendis. Og þar mætti Landsbankinn galvaskur að kynna fyrir okkur lánamöguleika. Og þar tilkynnti hann okkur blákalt að ef við ætluðum að fá lán fyrir skólagjöldum (LÍN dekkar bara framfærslu) þyrftum við veð! Ég spurði af hverju væri ekki nóg að fá uppáskrift fasteignaeiganda þá svaraði hann að AF ÞVÍ AÐ við værum söngnemendur þyrftum við veð. Þannig að ef ég væri að fara í eitthvað annað nám erlendis en söngnám þyrfti ég ekki veð! Mér finnst þetta virkilega ósanngjarnt! Og þar fyrir utan er ekkert grín að fá veð! Það er helst hjá foreldrum sem hægt er að nálgast svoleiðis. Og þá þurfa foreldrar manns að eiga fasteign sem er ekki veðsett í topp. Ég hélt að allir veðsettu húsið sitt í topp við kaupin á húsinu... Þannig að veð er ekki beint auðvelt að fást við. Svo var annað atriði sem ég uppgötvaði um daginn. Ég hringdi í stéttarfélagið mitt til að kanna hvað ég ætti rétt á háum styrk vegna skólans og þar var mér tilkynnt að greiðslur úr fræðslusjóð væru tekjutegndar. Sem er í raun fáránlegt! Segjum t.d. að ég fái 1000 kr. á mánuði í fræðslusjóð miðað við 100.000 kr. í laun. Þannig að eftir ár á ég rétt á 12.000 kr. styrk til mennturnar. En segjum svo að manneskjan sem situr við hliðina á mér skólanum í nákvæmlega eins námi sé t.d. með 1.000.000 kr. í mánaðarlaun og fær þar af leiðandi 10.000 kr. á mánuði í fræðslusjóð og á þá eftir ár rétt á 120.000 kr. styrk til náms! Þannig að þeir sem eru með lægstu launin og þurfta mest á styrknum að halda fá lægsta styrkinn en þeir sem eru með hæstu launin og þurfa minnst á styrknum að halda fá hæsta styrkinn! Ég bara skil ekki réttlætið í þessu!

Nýja vinnan

2007-03-17T11:22:00.000Z

Ég barasta held að ég sé hrifin af nýju vinnunni minni. Meira að segja mjög hrifin. Dagurinn gengur nokkur vegin svona fyrir sig: Ég mæti kl. 9. Svo klukkan svona 9:10 erum við byrjaðar að hringja. Svo hjá þeim sem reykja er reykpása milli svona 9:50 til 10:00. Svo er kaffi milli kl. 10:30 og 11:00. Síðan er önnur 10 mín. reykpása, svona um 11:30. Svo er matur frá svona ca. 11:55 til 13:05. Þriðja reykpásan er svo um kl. 13:30 til 13:40. Kaffi númer tvö er svo kl. 14:30 til 15:00. Svo er unnið til 16:00. Sem sagt, borgað fyrir 7 tíma vinnu en ca 4 tímar unnir... Mjög flott. :) Svo virðist mér bara vera að ganga mjög vel í vinnunni. Ég er til dæmis búin að fara á einn fund sem fulltrúi fyrirtækisins og úthringisérfræðingur. Og þar var ég titluð af sölustjóranum afkastamesti úthringjari landsins. Ekki amalegt. Og síðast en ekki síst, fékk ég lánaðan Santa Fe jeppa, nánast beint úr kassanum. Verst var að ég þurfti að skila honum daginn eftir en samt... Ég hef aldrei lent í því áður að umboðið láni mér nýjan flottan bíl í sólahring bara af því að ég er að vinna hjá einhverju fyrirtæki... Gaman að þessu. :)

Strætó

2007-03-15T20:44:00.000Z

Ég er ein af þeim sem hleypi alltaf strætó ef ég mögulega get. Og hneyklast alltaf á þeim sem hleypa ekki strætó. En samt stundum verður maður bara að kvarta yfir strætó. Um daginn var ég í mesta sakleysi, eins og svo oft áður, að keyra niður Miklubrautina. Keyrir þá ekki strætó upp að hliðinni á mér og á sama tíma gefur hann stefnuljós og beygir inn á mína akrein! Og ef ekki hefði verið fyrir snör og skörp viðbrögð mín (ég sveigði umhugsunarlaust inn á næstu akrein og var bara heppin að enginn bíll var þar) hefði strætó keyrt á mig! Og ég hefði orðið að klessu. Á meðan ég sat með dúndrandi hjartslátt undir stýri og blótandi strætó í sand og ösku var ég staðráðin í að hringja og kvarta. En svo lét ég aldrei verða að því... Veit ekki af hverju...

Kisi kominn með heimasíðu! :)

2007-03-13T10:07:00.000Z

Jæja, þá er hann Kisi kominn með heimasíðu. :) Og ég er búin að setja inn fuuuullt af myndum. Endinlega kíkið! Slóðin er hérna: http://kisi.dyraland.is og líka hérna til hægri undir Sætasti Kisi í heimi. :)

Bíllinn lifnar við

2007-03-09T17:12:00.000Z

Bíllinn minn er smám saman að lifna við. Þannig er nebbla mál með vexti að hann var látinn standa óhreyfður í eitt ár, greyið. Gleymdur og aleinn í einhverju skoti á einhverri bílasölu, þar sem enginn sá hann. Og ég er viss um að hann féll í þunglyndi. Hann var allavega ekki nema hálfur bíll þegar ég fékk hann, miðað við núna. Ekkert ljós inn í honum og rúðuþurrkan í afturrúðunni virkaði ekki. En svo eftir nokkra daga á vegunum byrjaði drunginn að leka af honum. Fyrst byrjaði ljósið inn í honum að virka aftur. Og núna er það þannig að um leið og ég drep á bílnum kveikir hann ljósið. Ég þarf ekki einu sinni að opna hurðina. Svo hökkti afturrúðuþurrkan í gang allt í einu einn daginn. Núna er hún orðin þannig að hún fer sjálf í gang ef það rignir! Um daginn fór hún alveg sjálf af stað og ég bara gat ekki slökkt á henni aftur, fyrr en rigningin hætti. Greinilegt að bílnum fannst mikilvægt að ég sæi út um afturrúðuna. Og núna upp á síðkastið hefur hann tekið upp á því að pípa á mig við minnsta tilefni. Þetta byrjaði mjög sakleysislega. Pípti þegar ég gleymdi að slökkva ljósin. Mjög gott. Svo pípir hann í hvert skipti sem hurð er opnuð. Og ekki nóg með það, heldur tilkynnir hann á útvarpsskjánum hvaða hurð er opin: "LEFT FRONT DOOR OPEN!" Og svo pípir hann þegar hann er svangur. Og þegar ég gleymi lyklunum í. Og þegar ég gleymi að setja á mig belti. Og þegar farþeginn í sætinu við hliðina á mér gleymir að setja á sig belti... Þannig að það er ekki hægt að segja annað en að bílinn minn sé smám saman að lifna við. Ég er viss um að hann verður farinn að tala eftir tvo mánuði og stýra sjálfur eftir ár. Ég hlakka til! :)

Vitvélar??

2007-03-08T15:08:00.000Z

Jæja, þá er mín farin að vinna hjá Miðlun. Þótt fyrr hefði verið segi ég nú bara. Ég er í alls konar söluverkefnum og skoðanakönnunum og þar af leiðandi er ég alltaf í símanum. Það getur verið þreytandi en mér líkar það að mestu vel. Og þar sem ég er í símanum nánast allan daginn er alveg gefið að ég lendi allavega á nokkrum furðufuglum. En furðulegasta furðufuglinum (ef fugl skyldi kalla) lenti ég á áðan. Það var hvorki meira né minna en vitvél! Ekki símsvari eða neitt svoleiðis, heldur vitvél sem heimtaði að ég talaði við sig! Og ekki nóg með það, þegar ég hikaði við að svara (enda hafði ég aldrei talað við vitvél áður), talaði hún við mig eins og ég væri barn! Ég ákvað því að reyna og sagði hátt og skýrt: "Framkvæmdarstjóri!" og bjóst svo sem ekki við miklum viðbrögðum. En hún skildi mig! Og gaf mér meira að segja samband við framkvæmdarstjóra... Furðulegt... Vitvél sem talar niður til manns... Það held ég nú... Er þetta framtíðin???