þriðjudagur, október 21, 2008

Aþena

Jæja, ég er sem sagt komin heim frá Aþenu. Ég get ekki sagt að ég hafi séð mikið af borginni því ég var nánast á hótelinu allan tímann því við byrjuðum kl. 9:30 og unnum langt fram á kvöld. Það var doldið strembið en samt ótrúlega gaman. Hérna koma nokkrar myndir.

Þessa byggingu fundum við þegar við vorum að leita að McDonalds. :þ Ég hef ekki hugmynd um hvað þetta er en byggingin er flott enga síður.
Þessa gaura fundum við líka í þegar við vorum á leið á McDonalds. Þeir standa þarna í einn klukkutíma í senn og svo eru vaktaskipti. Og í hvert skipti er alveg svaka athöfn, lítur næstum út eins og dans. :þ

Þetta var á klósettinu okkar á hótelberberginu...

Þetta var útsýnið af þaki hótelsins.

Akrapólis að nóttu til. :)

Á föstudeginum fórum við svo á aðal safnið í Aþenu. Það er stórt og hefði þurft allavega heilan dag til að skoða en við fengum bara 3 klukkutíma þannig að aumingja leiðsögumaðurinn þurfti nánast að hlaupa með okkur í gegnum safnið. :þ Hérna koma nokkrar myndir frá safninu
Þetta eru „bara“ 9000 ára gamlir hlutir!!
Líkgríma úr gulli Fleigrúnir - Fyrsta ritmálið!!


Tvær bronsstyttur. Hvernig er hægt að búa til svona nákvæmar styttur?? Þú getur séð æðarnar og rifbeinin á hestinum!

Eins þessi stytta. Það er eins og hann sé lifandi!

2 ummæli:

Nafnlaus sagði...

Úllala, ég yngist upp um nokkra áratugi og er ég nú ung enn :-). Sá þessi vaktaskipti á sínum tíma og kapparnir eru enn í eins múnderingu. Mig minnir að það sé þinghúsið sem er á fyrstu myndinni - allavega er til mynd af mér á milli súlnanna á þessu húsi. Fornmynjasafnið er meiriháttar og mikil upplifun að ganga innan um svona nokkurra þúsundára gamalla muna og stytta. Þvílíkir snillingar sem kapparnir voru í den.
Bestu kveðjur,
Sólveig.

Nafnlaus sagði...

Hvað er málið með skófatnaðinn á vörðunum?? Þeir virðast klárlega ekki vera til þess ætlaðir að hlaupa á :-þ