:

Sigga Rósa -- [adjective]: Insatiable to the point of crazy 'How" will you be defined in the sexual dictionary?' at QuizUniverse.com

Lífshlaupið

( ) reykt sígarettu
( ) klesst bíl vinar/vinkonu
( ) stolið bíl (foreldranna)
(x) verið ástfangin
(x) verið sagt upp af kærustu
( ) verið rekin
(x) lent í slagsmálum
( ) læðst út meðan þú bjóst ennþá heima hjá foreldrunum
(x) haft tilfinningar til einhvers sem endurgalt þær ekki
( ) verið handtekin/n
( ) farið á blint stefnumót
(x) logið að vini/vinkonu
(x) skrópað í skólanum
( ) horft á einhvern deyja
( ) farið til Canada
( ) farið til Mexico
(x) ferðast í flugvél
( ) kveikt í þér viljandi
( ) borðað sushi
( ) farið á sjóskíði
(x) farið á skíði
(x) hitt einhvern sem þú kynntist á internetinu
(x) farið á tónleika
(x) tekið verkjalyf
(x) elskar einhvern eða saknar einhvers akkurat núna
(x) legið á bakinu úti og horft á skýin
(x) búið til snjóengil
(x ) haldið kaffiboð
( ) flogið flugdreka
(x) byggt sandkastala
(x) hoppað í pollum
(x) farið í "tískuleik" (dress up)
(x) hoppað í laufblaðahrúgu
(x) rennt þér á sleða
(x) svindlað í leik
(x) verið einmana
(x) sofnað í vinnunni/skólanum
( ) notað falsað skilríki
(x) horft á sólarlagið
(x) fundið jarðskjálfta
(x) sofið undir berum himni
(x) verið kitluð/kitlaður
( ) verið rænd/rændur
(x) verið misskilin/n
(x) klappað hreindýri/geit/kengúru (geit)
(x) farið yfir á rauðu ljósi/virt stöðvunaskyldu að vettugi
( ) verið rekin/n eða vísað úr skóla
( ) lent í bílslysi (alveg satt)
( ) verið með spangir/góm
(x) liðið eins og þú passaðir ekki inn í/þriðja hjól undir vagni
( ) borðað líter af ís á einu kvöldi
(x) fengið deja vu
( ) dansað í tunglskininu
(x) fundist þú líta vel út
(x) verið vitni að glæp
(x) efast um að hjartað segði þér rétt til
( ) verið gagntekin/n af post-it miðum (þið vitið - þessum gulu)
(x) leikið þér berfætt/ur í drullunni
(x) verið týnd/ur
(x) synt í sjónum (bæði íslenskum og erlendum... :p)
(x) fundist þú vera að deyja
(x) farið í löggu og bófa leik
(x) litað nýlega með vaxlitum (ég vinn á leikskóla...)
(x) sungið í karaókí
( ) borgað fyrir máltíð eingöngu með smápeningum (við erum að tala um krónur, fimmkalla og tíkalla hérna)
(x) gert eitthvað sem þú lofaðir sjálfri/sjálfum þér að gera ekki
(x) hringt símahrekk
(x) hlegið þannig að gosið frussaðist út um nefið á þér
(x) stungið út tungunni til að ná snjókorni
(x) dansað í rigningunni
(x) skrifað bréf til jólasveinsins
( ) verið kysst/ur undir mistilteini
( ) horft á sólarupprásina með einhverjum sem þér þykir vænt um
(x) blásið sápukúlur
( ) kveikt bál á ströndinni/fjörunni
(x) komið óboðin/n í partý
( ) verið beðin/n um að yfirgefa partýið sem þú komst óboðin í
(x) farið á rúlluskauta/línuskauta
(x) hefur einhver óska þinna ræst
( ) farið í fallhlífastökk (en mig langar! Hver kemur með??)
( ) hefur einhver haldið óvænt boð fyrir þig
(x) pissað úti

Hmmm

How Will I Die Quiz
You will die at the age of 35
You will die in a freak accident involving Ryan Seacrest
Find out how you will die at Quizopolis.com
http://www.quizopolis.com/how_will_i_die_quiz.php

Hjólið

Í gær ákvað ég svona upp úr þurru að fara út að hjóla. Ja, kannski ekki alveg upp úr þurru... Söngkennarinn minn og undirleikarinn minn eru báðir búnir að benda mér á (skamma mig fyrir) að ég er ekki í nógu góðu formi fyrir söng. Sem er fúlt þar sem tónlist er mín hilla í lífinu en hreyfing og íþróttir er eitthvað sem ég hef aldrei skilið og aldrei haft gaman að. En þar sem ég ætla mér að verða góð söngkona einhvern tíma ákvað ég að fara út að hjóla. Það er þó byrjunin. Svo að mín smellti á sig hjálmi og vettlingum (ótrúlega pró) og hjólaði sér einn 20 mín. hring. Það var ógeðslega erfitt. Djöfull er ég í lélegu formi. Iss piss. En ég komst þó allan hringinn sem mér finnst ágætt... Í morgun aftur á móti vaknaði ég upp mjöööög svo aum eftir bölvað hjólið. Ég skil ekki hvernig ég gat verið endalaust hjólandi þegar ég var yngri. Ég held bara að ef ég ætli mér að hjóla mikið verði ég að kaupa mér mýkri hnakk. Annars er hætt við að ég fari að ganga mjög annarlega...

Furðurlegt frí

Ekki var þetta nú gæfulegt páskafrí. Ég eyddi því í að vera veik. Fyrst flensa með tilheyrandi nefrensli og hæsi. Svo maga- og ælupest. Ég náði einum degi nokkuð hress á milli flensunnar og ælunnar. Föstudagurinn langi. Hann hefði alveg mátt vera lengri fyrir mér. En skemmtilegur var hann enda eyddi ég honum í góðra vina hópi. :) Skál fyrir því!

?

Æla, gall, æla. Var ég virkilega svona full?

...

Úff hvað mér leiðist. Það er ekkert að gera í vinnunni minni, aldrei þessu vant... (Tvö blogg á einum degi segir ýmislegt...) ;p

Páskafrí!!!

Loksins, loksins er að koma páskafrí. Ég hlakka svo til. :) Ég held bara að ég hafi aldrei verið að vinna svona lítið um páskana. Ekki síðan ég var í FSu. Gaman að þessu. :)

Tónleikar!!! :)

Tónleikar Háskólakórsins á laugardaginn 1. apríl kl. 17

Myndir úr svaðilförinni

Þetta er áin sem við festumst í. Þessi bíll fór yfir á eftir okkur.

Svaðilför inn í Bása!

Það fór aldrei svo að ég lenti ekki í ævintýrum. Seinasta helgi var nánast eitt ævintýri. Þannig er mál með vexti að Didda var fimmtug á laugardaginn og bauð fjölskyldu og vinum inn í Bása. Á laugardagsmorguninn þegar við vorum að leggja af stað var hringt í okkur og tilkynnt um að allar ár væru sennilega ófærar. Okkur leist nú ekki á blikuna en héldum samt af stað. Þegar við komum að Steinholtsánni stoppuðum við og biðum eftir bíl sem lóðsaði okkur yfir í gengum síma. Það var frekar óhuggnalegt þar sem áinn leit ekki vel út. Eins fengum við fylgd yfir Hvannána. Þannig að allt gekk slysalaust fyrir sig. Þegar við komum inn í Bása fréttum við að í gær hefðu árnar verið miklu verri og stórir bílar þurft að draga minni jeppa yfir. Og að Þengill hafði fest sig í Hvannánni og þurft að draga hann upp úr. Svo kom að því að fara heim á sunnudaginn. Þá var mjög gott veður og því meira í ánum en á laugardaginn. Við komumst yfir Hvannána eins og ekkert væri. Svo komum við að Steinholtsánni og þá leist okkur ekki á blikuna. Við hringdum í Óla sem hafði farið yfir ána fyrr um daginn og hann sagði að það hefði verið allt í lagi. Þannig að Kiddý og Helgi lögðu í hann. Bílinn flaut upp og snérist upp í strauminn en þau náði þó að krabbla sig upp úr. Því næst fóru amma, afi, mamma og Rósa yfir. Bíllinn þeirra flaut líka upp, snérist og festist! Ég hélt að ég myndi deyja úr hræðslu við að horfa á þau út í ánni! Vatnið náði upp á rúður! Helgi var snar í snúningum og óð út í ána og festi spotta við bílinn. Svo reyndi hann að draga þau upp úr en spottinn slitnaði því bílinn var svo pikkfastur. Þá óð hann aftur út í festi spottann aftur. Þegar hér var komið var vatnið komið upp í sæti inn í bílnum enda var hann búinn að vera úti í ánni örugglega í 10 til 20 mín. Samt geri ég mér enga grein fyrir því hvernig tímanum leið því ég var svo hrædd. Í seinna skiptið tókst að draga bílinn upp úr. Þegar þau opnuðu hurðirnar gusaðist helmingurinn af ánni út úr bílnum. Þá var komið að mér og Þengli að fara yfir. Og auðvitað flutum við upp líka, snérumst upp í strauminn og festumst. Og ekki nóg með það heldur drap bílinn líka á sér! Og aumingja Helgi óð aftur út í og festi kaðal við bílinn. Síðan vorum við dregin upp úr. Við vorum sem betur fer ekki mjög lengi út í ánni. En nógu lengi til að Þengill var orðinn votur í fæturna. Það er því óhætt að segja að þetta hafi verið svaðilför. Ég var mjög hrædd og finn ennþá fyrir hnút í maganum þegar ég rifja þetta upp. Ætli ég verði ekki hrædd við að fara yfir ár hér eftir. Kannski er þetta eins og að detta af hestbaki, maður verður að drífa sig á bak sem fyrst aftur. Ég ætti kannski að drífa mig inn í Bása sem fyrst aftur.

Lélegur bloggari...

Úff úff... Ég er ekki alveg nógu góður bloggari... En jæja, núna skal bæta úr því.
Hérna koma allar stórfréttir seinasta veturs.

• Ég flutti í bæinn um áramótin, nánar tiltekið í Árbæinn. Og mamma með. :)
• Ég lauk grunnprófi í söngskólanum, sem er sama og 1., 2. og 3. stig. Það tókst bara með ágætum.
• Naflalokkurinn fékk að fjúka seinni part vetrar.
• Kisi er komin með kærustu og tvö stjúpbörn. :) Þannig er nebbla mál með vexti að þegar við fluttum kom lítil kisa í heimsókn til okkar strax fyrsta daginn. (Við köllum hana alltaf Litlu, því hún kæmist svona þreföld inn í Kisa...) Hún og Kisi áttu fullt af stefnumótum í gegnum gluggann sem endaði með því að við leyfðum þeim að hittast. Og þeim kemur bara ágætlega saman (miðað við það að Kisi hvæsir á alla aðra ketti). Eftir það var Litla fastagestur hjá okkur og svo núna fyrir stuttu eignaðist hún kettlinga, Litla Brúnan og Litla Gulan. :) Kisi á reyndar ekkert í þessum börnum og er stundum dáldið abbó en annars virðist sambandið ganga vel.

Þetta er Kisi

Og þetta er Litli Gulur.

Og þetta er Litla, Litli Gulur og Litli Brúnn

Og þá er það stærsta fréttin...

• ÉG ER BÚIN AÐ KAUPA MÉR BÍL!!! :) Hann er geðveikt sætur lítill Polo. Hann er lime-grænn á litinn og með CD og allt! Það er svoooo gaman að keyra hann. Sérstaklega miðað við gamla Lancerinn. Hann var orðinn svo lélegur að einu sinni dreif ég ekki yfir hraðahindrun og þurfti að bakka og taka tilhlaup! :) Og þetta er ekki ýkt. Ég festist í alvörunni upp á hraðahindrun! Fáránlegt. En núna er gamli skrjóðurinn farinn á haugana og litli sæti Poloinn minn tekinn við. :)

Kóræfingabúðir

Ég var í æfingabúðum með Háskólakórnum um helgina. Það var svaka fjör. :)
Við fengum að sjá verkið sem við erum að fara að flytja í fyrsta skipti á föstudaginn, þ.e.a.s. nóturnar. Það heitir African Sanctus. Það verður örugglega alveg geggjað. Það virkar samt doldið erfitt. Allar raddir eru þrískiptar. Sópraninn fer upp á háa C og altin upp á A!!! Ég sem er farin að tísta þegar ég er komin upp á G. Iss piss. En það hlýtur að koma allt saman.
Á föstudagskvöldið fórum við í stólaleik sem gekk út á það að einhver var í miðjunni og sagði t.d. "Ég drekk ekki bjór" eða "Ég er með tattoo" og allir þeir sem drekka ekki bjór eða eru með tattoo eiga að standa upp og reyna að ná sér í sæti. Og þá komst ég að því að aðeins fjórir í kórnum eru með tattoo. (Allavega miðað við þá sem voru í æfingabúðunum). Mér finnst það ansi fáir. Ég hélt að það yrði allavega helmingur.
Á laugardaginn var svo sungið ennþá meira af African Sanctus. Svo skellti ég mér í sund þar sem ég spilaði rúbbí-bolta með öðrum kórmeðlimum. Þar sem botninn og bakkarnar voru mjög hrufóttir enduðu flestir með blóðuga fætur og marða handleggi eftir boltaslagi. Ég slapp samt furðuvel, bara með einn marblett. Seinna um kvöldið var borðað og svo haldin kvöldvaka þar sem innvígsla nýrra kórmeðlima í háskólakórs-ættbálkinn stóð upp úr. Ég hef aldrei séð svona flotta vígslu (busun) áður. Í fyrra þurfti ég að borða hákarl og drekka íslenskt brennivín þegar ég var vígð en það var samt ekkert þessu líkt. Svo var djammað og djammað fram eftir nóttu. Ég veit ekki hvenær ég fór að sofa en missti allavega af því þegar kórmeðlimir hlupu berir í kringum sundlaugina. Svekkelsi. :/ En þetta voru samt mjög skemmtilegar æfingabúðir og ég skemmti mér æðislega vel. :)

Skrifari

Ég var að kaupa mér skrifara áðan. Það var æðislega gaman. Ég var svo spennt. Það var um þrjú leitið í dag. Núna er klukkan rúmlega sjö, og mér hefur ekki ennþá tekist að fá skrifarann til kveikja á sér, hvað þá meira! Ég er örugglega búin að hringja í alla tölvugúrúa sem ég þekki og þeir hafa komist að tveimur niðurstöðum: 1) Skrifarinn er bilaður eða 2) ég get ekki sett hann upp. Ég hugsa samt að ástæða eitt sé líklegri... :p Því það eina sem ég er búin að vera að reyna að gera er að tengja rafmagnið í skrifarann til þess að sjá hvort að hægt sé að opna hann. En hann sýnir engin viðbrögð við neinu sem ég geri. Samt er ég búin að tengja og aftengja C - drivið nokkrum sinnum til að sjá hvort að ég geti þetta ekki alveg örugglega. Og það virkar alveg. Þannig að núna sit ég með sárt ennið, nýr skrifari bilaður! Vesen!!!!

Þokuljós

Áðan þegar ég var að leiðinni heim af kóræfingu lenti ég í óþæginlegu atviki. Þetta var búinn að vera langur dagur og ég var komin með hausverk. Ég var ný búin að keyra framhjá Bláfjallaafleggjaranum þegar bíll tók fram úr mér. Það hefði nú svo sem ekki verið í frásögu færandi nema hvað, hann var með þokuljósin á! Ég fann hvernig hausverkurinn jókst enn frekar. Ég hikaði aðeins áður en ég blikkaði á hann háuljósunum, minnug þess sem gerðist seinast þegar ég blikkaði bíl aftan frá.
Þá var það einmitt þetta sama, bíll með þokuljósin á í engri þoku! Sá bíll snarhemlaði, sveigði út í kannt og elti mig svo í 20 mínútur, blikkandi háuljósunum stanslaust þangað til að hann tók fram úr mér á urrandi siglingu.
Þrátt fyrir fyrri þrekraun lét ég reyna á blikkið og blikkaði þennan bíl líka. Ég reyndi að blikka lítið og kurteislega til að lenda ekki í sama veseninu og seinast. En samt sem áður var eins og ég hafði gefið honum fokk merkið eða eitthvað þaðan af verra! Hann negldi niður og keyrði á 30 góða stund áður en hann jók hraðann aftur langt upp fyrir hundrað.
Og eftir sat ég engu nær um hvernig á að fá fólk til að slökkva á þokuljósunum!
Kannski er ég bara svona vitlaus, ég veit það ekki. Ekki gat ég slökkt og kveikt á ljósunum. Það er til að vera fólk við löggunni og svo er það líka mjög lítið áberandi svona aftan frá. Eins blikkar maður bíla sem koma keyrandi á móti manni með háuljósin til að láta þá slökkva á þeim. Háuljósin blinda mann og valda augn- og hausverk. Þokuljósin eru að vísu ekki nærri eins sterk og þau háu en þau valda samt augn- og hausverk, allavega hjá mér. Og er þá ekki rökréttast að álykta að maður eigi að blikka bíla til að fá þá til að slökkva á þokuljósunum? Eða er dónalegt að blikka fólk aftan frá?

Afmælispartý hjá Krunku

Ég fór í afmælispartýið hjá Krunku á föstudagskvöldið. Það var mjög gaman. Þar var dansað og djammað, sungið og trallað fram eftir nóttu. Svo fórum við í mjög skemmtilegan leik sem fjallaði um Krunku, mjög gaman. :) Mitt lið endaði í öðru sæti. Munaði aðeins hálfu stigi á okkur og fyrsta sætinu, iss piss. Ég fór svo heim á milli þrjú og fjögur og svaf til hálffjögur daginn eftir. Mjög kósí. :)

Lokkur

Í gær var söguleg stund í mínu lífi. Tungulokkurinn fékk að fjúka. Ég tók hann úr í gærkvöldi. Það er ekkert smá skrítið. Ég er ekki búin að taka hann úr í tvö ár! Ég er líka geðveikt aum í tungunni, sem er ekkert smá mikið svindl. Það var nógu andskoti sárt að láta setja þetta í þó að það þurfi nú ekki að vera vont að taka þetta úr líka!!!

Söngur

Skólasetningin í Söngskólanum í Reykjavík var í dag. Það var merkilega gaman. Skólastjórinn var bara skemmtilegur í ræðunni, við fengum að hlusta á útskrifaðan söngnema (mjöööög flott) og svo hitti ég kennarann minn. Hún virkaði bara fín þótt að ég muni ekki hvað hún heitir... Ég hlakka svoooo til að fara loksins aftur í tónlistarnám!!! :) Ég hugsa að það sé mín hilla.

Tattoo

Ég var að fá mér tattoo númer tvö áðan. Eða eiginlega númer tvö og þrjú. Ég fékk mér kínverskt S og R á hægri ökklann. Það kemur mjög flott út. S-ið er svona eins og þríhyrningur í laginu en R-ið meira eins og kassi, svaka flott. :) En ég var búin að gleyma hvað þetta er asskoti vont...

Rautt epli eða grænt epli, það er spurningin...

Af hverju ætli allt sem er með eplabragði sé í umbúðum sem eru grænar...? Eins og Kristall með eplabragði. Ég hef alltaf staðið í þeirri meiningu að bestu eplin séu rauð... Ættu umbúðirnar þá ekki að vera rauðar?